କଣ୍ଡିସନର ଲଗାଇବା ଦ୍ୱାରା କେଶ ନରମ ଓ ରେଶମୀ ହୋଇଥାଏ। ମାତ୍ର ଆମେ ବ୍ୟବହାର କରୁଥିବା କଣ୍ଡିସନରରେ କେମିକାଲ ଥିବାରୁ ଏହା କେଶ ଉପରେ କୁପ୍ରଭାବ ପକାଇଥାଏ। ଘରୋଇ ଉପାୟରେ ପ୍ରାକୃତିକ କଣ୍ଡିସନର ପ୍ରସ୍ତୁତ କରି ଏହାକୁ ବ୍ୟବହାର କଲେ କେଶ ନରମ, ରେଶମୀ ହେବା ସହ କୌଣସି କୁପ୍ରଭାବ ପଡ଼ିନଥାଏ। କ୍ଷୀର ଓ କଦଳୀ କେଶକୁ ମଜଭୂତ କରିବା ସହ ରେଶମୀ କରିଥାଏ। ଜାଣନ୍ତୁ ଘରେ କିପରି କ୍ଷୀର ଓ କଦଳୀକୁ ବ୍ୟବହାର କରି ଏହି କଣ୍ଡିସନର ପ୍ରସ୍ତୁତ କରିବେ….
ଆବଶ୍ୟକ ସାମଗ୍ରୀ :
ପ୍ରଥମେ ଗୋଟିଏ ପାଚିଲା କଦଳୀକୁ ପେଷି ଦିଅନ୍ତୁ। ତାପରେ ଏକ ପାତ୍ରରେ କ୍ଷୀର ନେଇ ସେଥିରେ ପେଷିଥିବା କଦଳୀକୁ ମିଶାଇ ଦିଅନ୍ତୁ। ଏବେ ପୁଣି ଏହାକୁ ଭଲ ଭାବେ ପେଷି ଏକ ପାତ୍ରକୁ କାଢନ୍ତୁ। ତାହାକୁ କେଶର ଶେଷ ଭାଗ ଓ ମୂଳରେ ଭଲ ଭାବେ ଲଗାଇ ୩୦ ମିନିଟ ରଖନ୍ତୁ। ୩୦ ମିନିଟ ପରେ ସାମାନ୍ୟ ଉଷୁମ ପାଣିରେ କେଶକୁ ଧୋଇ ପୁଣି ଭଲ ଭାବେ ସାମ୍ପୁ କରି ଦିଅନ୍ତୁ। ଏପରି ସପ୍ତାହକୁ ୨ ଥର ଲଗାନ୍ତୁ। ଆପଣ ନିଜେ ଅନୁଭବ କରିବେ ଯେ, ବଜାରରେ ବିକ୍ରି ହେଉଥିବା କଣ୍ଡିସନର ଅପେକ୍ଷା ଏହା କେଶକୁ ରେଶମୀ, ନରମ କରିବା ସହ କୌଣସି କ୍ଷତି କରିନଥାଏ।
