ଉତ୍ତରପ୍ରଦେଶ : ଉତ୍ତରପ୍ରଦେଶର ବହରାଇଚ ଜିଲାର କତର୍ନିୟା ଘାଟରେ ମୁର୍ତିହା ରେଞ୍ଜରେ ଗ୍ରାମ ବିକାଶ ଅଧିକାରୀ ଜଙ୍ଗଲର ରାସ୍ତାରେ ଗାଁକୁ ଯାଉଥିବା ସମୟରେ ରାସ୍ତାରେ ଏକ ଚିତାବାଘ ବୁଲିଥିବାର ଦେଖିଥିବା ଜଣାପଡ଼ିଛି।
ହଠାତ ରାସ୍ତାରେ ସାମ୍ନା ପଟରୁ ଜଣେ ବାଇକ ଆରୋହୀ ଆସୁଥିଲେ। ସେ ହଠାତ ରାସ୍ତାରେ ଏକ ଚିତାବାଘ ଦେଖି ଦୂରରୁ ହିଁ ବାଇକକୁ ଦ୍ରୁତ ଗତିରେ ନେଇ ଚିତାବାଘ ଭୟରେ ତୁରନ୍ତ ସେଠାରୁ ଫେରିଆସିଲେ। ଏହି ସମସ୍ତ ଘଟଣାକୁ ଗ୍ରାମ ବିକାଶ ଅଧିକାରୀଙ୍କ ସହକର୍ମୀମାନେ ମୋବାଇଲରେ ରେକର୍ଡ଼ କରିଥିଲେ। ବର୍ତ୍ତମାନ ଏହି ଭିଡ଼ିଓ ସୋସିଆଲ ମିଡ଼ିଆରେ ଖୁବ ଭାଇରାଲ ହେଉଛି।
ମିଳିଥିବା ସୂଚନା ଅନୁଯାୟୀ, ଗ୍ରାମ ବିକାଶ ଅଧିକାରୀ ଓ ତାଙ୍କ ସହକର୍ମୀମାନେ କୌଣସି କାମରେ କତର୍ନିୟା ଘାଟ ରାସ୍ତାରେ କାରରେ ଯାଉଥିବା ସମୟରେ ରାସ୍ତାରେ ଚିତାବାଘଟିକୁ ବୁଲୁଥିବାର ଦେଖିଲେ। ସେମାନେ ଭୟଭୀତ ହେଲେ ମଧ୍ୟ କାର ଭିତରେ ଥିବାରୁ ନିକକୁ ସୁରକ୍ଷିତ ମନେ କରୁଥିଲେ। ବାଘକୁ ଫୋନରେ ରେକର୍ଡ଼ କରୁଥିବା ସମୟରେ ହଠାତ ସେମାନେ ରାସ୍ତାରୁ ଆଉ କିଛି ଦୂରରେ ଜଣେ ବାଇକ ଆରୋହୀ ସେହି ଦିଗରେ ଆସୁଥିବାର ଦେଖିଲେ। ସେମାନେ କାର ଭିତରେ ଥିବାରୁ ବାଇକ ଆରୋହୀଙ୍କୁ ବାଘ ଆକ୍ରମଣ କରିବାର ସମ୍ଭାବନା ଥିବାରୁ ସେମାନେ ବ୍ୟସ୍ତ ହୋଇପଡ଼ିଲେ। ମାତ୍ର ଭାଗ୍ୟବଶତଃ ବାଇକ ଆରୋହୀ ବାଘଟିକୁ ଦେଖି ଖୁବ ଜୋରରେ ବାଇକ ଚଳାଇ ସେଠାରୁ ପଳାଇବାକୁ ସକ୍ଷମ ହୋଇଥିଲେ। ବାଘଟି ତାଙ୍କ ପିଛା କରିବା ପୂର୍ବରୁ ସେଠାରୁ ସେଠାରୁ ପଳାଇଥିଲେ। ବାଘଟି କିଛି ସମୟ ମଧ୍ୟରେ ନିକଟସ୍ଥ ବୁଦା ମୂଳକୁ ଚାଲି ଯାଇଥିଲା।
