ଚକ୍ଷୁ ଡୋଳା ରଙ୍ଗ ପରିବର୍ତ୍ତନ କରିବା ପାଇଁ କଣ୍ଟାକ୍ଟ ଲେନ୍ସ କିମ୍ବା ଅନ୍ୟ କୌଣସି ବିପଜ୍ଜନକ କୃତ୍ରିମ ପ୍ରତିରୋପଣର ଆବଶ୍ୟକତା ଏବେ ପଡ଼ିବନାହିଁ। ଡାକ୍ତରୀ ବିଦ୍ୟାରେ ଆଧୁନିକ ଜ୍ଞାନକୌଶଳର ପ୍ରୟୋଗ କରାଯାଇ ଚକ୍ଷୁ ଡୋଳା ରଙ୍ଗ ଆଜୀବନ ପରିବର୍ତ୍ତନ କରିପାରିବେ। କେରାଟୋପିଗମେଣ୍ଟେସନ୍ ପ୍ରଣାଳୀରେ ଲେଜର୍ ମାଧ୍ୟମରେ ରୋଗୀର ଆଖିରେ ଏକ ସୂକ୍ଷ୍ମ ଇଣ୍ଟ୍ରାକୋର୍ନିଆଲ୍ ଟନେଲ୍ ତିଆରି କରାଯାଇ ସେମାନଙ୍କ ଇଚ୍ଛା ଅନୁଯାୟୀ ଡୋଳା ରଙ୍ଗ ବଦଳାଇବା ପାଇଁ ଏକ ସ୍ୱତନ୍ତ୍ର ପିଗମେଣ୍ଟ ଭର୍ତ୍ତି କରାଯାଏ। ଅନ୍ୟାନ୍ୟ ଅଧିକ ଜଟିଳ କୌଶଳ ତୁଳନାରେ, କେରାଟୋପିଗମେଣ୍ଟେସନ୍ କେବଳ ଆଖିର ପୃଷ୍ଠକୁ ପ୍ରଭାବିତ କରିଥାଏ ଏବଂ ଏହି ଚିକିତ୍ସା ପରେ ରକ୍ତସ୍ରାବ, ସଂକ୍ରମଣ, ରେଟିନା ବିଚ୍ଛିନ୍ନତା କିମ୍ବା ଗ୍ଲୁକୋମା ଭଳି ଅସୁବିଧା ହୁଏନାହିଁ। ଡାକ୍ତର ଦଳ କହିଛନ୍ତି, ଏହି ଚିକିତ୍ସା ଜରିଆରେ ଜଣେ ବ୍ୟକ୍ତି ନିଜ ଚକ୍ଷୁ ଡୋଳାକୁ ସବୁଜ, ନୀଳ କିମ୍ବା ଗୋଲାପୀ ରଙ୍ଗରେ ବଦଳାଇପାରିବ। କେରାଟୋପିଗମେଣ୍ଟେସନ୍ ପଦ୍ଧତି ସାଧାରଣତଃ ଉଭୟ ଆଖି ପାଇଁ ୩୦ ରୁ ୪୫ ମିନିଟ୍ ସମୟ ନେଇଥାଏ ଏବଂ ନିଶ୍ଚେତକ ବ୍ୟବହାର ହେତୁ ଆଦୌ ଯନ୍ତ୍ରଣାଦାୟକ ନୁହେଁ। ଆମେରିକାସ୍ଥିତ କେତୋଟି ଜଣାଶୁଣା ଚକ୍ଷୁ ଚିକିତ୍ସାଳୟରେ ଏହି ଚିକିତ୍ସା ପରୀକ୍ଷାମୂଳକ ଭାବେ ଆରମ୍ଭ ହୋଇଛି।
Popular Categories
Previous article
Next article