ମୁମ୍ବଇ : ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ବଲିଉଡ ଅଭିନେତ୍ରୀ କଙ୍ଗନା ରାଣାୱତଙ୍କୁ ‘ୱାଇ‘ ବର୍ଗର ସୁରକ୍ଷା ଦିଆଯାଇଛି। ଏଥିପାଇଁ ସେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କୁ ଧନ୍ୟବାଦ ଜଣାଇଛନ୍ତି। କଙ୍ଗନା କହିଛନ୍ତି ଯେ ସୃଷ୍ଟି ହୋଇଥିବା ପରିସ୍ଥିତି ଯୋଗୁଁ ଶାହା ମୋତେ କିଛି ଦିନ ପରେ ମୁମ୍ବାଇ ଯିବାକୁ ପରାମର୍ଶ ଦେଇଥାନ୍ତେ, କିନ୍ତୁ ସେ ଭାରତର ଗୋଟିଏ ଝିଅକୁ ବଞ୍ଚାଇବା (ସୁରକ୍ଷା ଦେବା)ର କଥା ରଖିଲେ।
କଙ୍ଗନା ଟ୍ୱିଟରରେ କହିଛନ୍ତି, ‘ଏହା ଏକ ପ୍ରମାଣ ଯେ କୌଣସି ଫାସୀବାଦୀ ବର୍ତ୍ତମାନ କୌଣସି ଦେଶପ୍ରେମୀର ସ୍ୱରକୁ ଦବାଇ ପାରିବେ ନାହିଁ, ମୁଁ ଅମିତ ଶାହା ଜୀଙ୍କୁ ଧନ୍ୟବାଦ ଦେଉଛି । ସୃଷ୍ଟି ହୋଇଥିବା ପରିସ୍ଥିତି ଯୋଗୁଁ ସେ ମୋତେ କିଛି ଦିନ ପରେ ମୁମ୍ବାଇ ଯିବାକୁ ପରାମର୍ଶ ଦେଇଥାନ୍ତେ, କିନ୍ତୁ ସେ ଭାରତର ଗୋଟିଏ ଝିଅର କଥା ରଖିଛନ୍ତି, ଆମର ସ୍ବାଭିମାନ ଏବଂ ଆତ୍ମସମ୍ମାନର ମର୍ଯ୍ୟାଦା ରକ୍ଷା କରିଛନ୍ତି , ଜୟ ହିନ୍ଦ।’
ये प्रमाण है की अब किसी देशभक्त आवाज़ को कोई फ़ासीवादी नहीं कुचल सकेगा,मैं @AmitShah जी की आभारी हूँ वो चाहते तो हालातों के चलते मुझे कुछ दिन बाद मुंबई जाने की सलाह देते मगर उन्होंने भारत की एक बेटी के वचनों का मान रखा, हमारे स्वाभिमान और आत्मसम्मान की लाज रखी, जय हिंद ? https://t.co/VSbZMG66LT
— Kangana Ranaut (@KanganaTeam) September 7, 2020
ବାସ୍ତବରେ ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ କଙ୍ଗନା ଆରମ୍ଭରୁ ସ୍ୱର ଉତ୍ତୋଳନ କରିଥିଲେ। ବଲିଉଡ ମାଫିଆ, ନେପୋଟିଜିମ୍ ଏବଂ ବର୍ତ୍ତମାନ ଡ୍ରଗ୍ସ କାରବାର ପ୍ରସଙ୍ଗରେ ସେ ଖୋଲାଖୋଲି ବକ୍ତବ୍ୟ ରଖିଥିଲେ। ନିଜ ବକ୍ତବ୍ୟ ଯୋଗୁଁ ସେ କେବଳ ବଲିଉଡ ସେଲିବ୍ରିଟିଙ୍କ ଟାର୍ଗେଟରେ ଆସି ନାହାଁନ୍ତି ବରଂ ଅନେକ ରାଜନୈତିକ ଦଳ ମଧ୍ୟ ତାଙ୍କୁ ଟାର୍ଗେଟ କରୁଛନ୍ତି।
ଇତି ମଧ୍ୟରେ ଶିବସେନା ନେତା ସଞ୍ଜୟ ରାଉତ ଏବଂ କଙ୍ଗନା ରାଣାୱତଙ୍କ ମଧ୍ୟରେ ବାକ୍ୟବାଣ ତୀବ୍ର ହୋଇଛି। କଙ୍ଗନା କହିଥିଲେ ଯେ ସେ ବଲିଉଡ ମାଫିଆଙ୍କ ଅପେକ୍ଷା ମୁମ୍ବଇ ପୋଲିସକୁ ଅଧିକ ଭୟ କରୁଛନ୍ତି। ଏହା ପରେ ରାଉତ ତାଙ୍କୁ ମୁମ୍ବଇ ନ ଆସିବାକୁ ପରାମର୍ଶ ଦେଇଥିଲେ। ଏହା ପରେ କଙ୍ଗନା ଚ୍ୟାଲେଞ୍ଜ କରିଥିଲେ ଯେ ସେ ସେପ୍ଟେମ୍ବର ୯ରେ ମୁମ୍ବଇ ଆସୁଛନ୍ତି।
ମହାରାଷ୍ଟ୍ରର ଶାସକ ଦଳ ଶିବସେନା ଏହାର ମୁଖପତ୍ର ‘ସାମାନା’ରେ କଙ୍ଗନାକୁ ‘ମାନସିକ ବିକାରଗ୍ରସ୍ତ ମହିଳା'(ମେଣ୍ଟାଲ ଓମ୍ୟାନ) ବୋଲି ବର୍ଣ୍ଣନା କରିଛି। ‘ସାମନା’ କହିଛି ଯେ ଆସନ୍ତା ମୌସୁମୀ ଅଧିବେଶନରେ ବିରୋଧୀଦଳ ମଧ୍ୟ ବାହାର ଲୋକଙ୍କ ବିରୋଧରେ ସ୍ୱର ଉତ୍ତୋଳନ କରିବା ଉଚିତ୍। ଶିବସେନା କହିଛି ଯେ ଏହା ସହନଶୀଳତାର ବାହାରେ ଯେ ମୁମ୍ବଇ ଆସି ସବୁକିଛି ହାସଲ କରିଥିବା ଜଣେ ବାହାର ଲୋକ ମୁମ୍ବଇକୁ ଅପମାନିତ କରୁଛନ୍ତି ଏବଂ ଭୁଲ କଥା କହୁଛନ୍ତି। ଏହାକୁ ସମାଲୋଚନା କରାଯିବା ଉଚିତ୍ |
ଶିବସେନା କହିଛି ଯେ ‘ମାନସିକ ବିକାରଗ୍ରସ୍ତ ମହିଳା’ ମୁମ୍ବଇ ଏବଂ ମୁମ୍ବଇ ପୋଲିସକୁ ଅପମାନିତ କରିଛି। ଏଭଳି ପରିସ୍ଥିତିରେ ସେମାନଙ୍କର ମହାରାଷ୍ଟ୍ରରେ ରହିବାର ଅଧିକାର ନାହିଁ। ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ ଏହି ବିଷୟରେ ଏକ ବିବୃତ୍ତି ଦେଇସାରିଛନ୍ତି। ଯାହା ପାଳନ କରାଯିବ।
