ଆଠଗଡ଼: ଆଠଗଡ଼ ନିର୍ବାଚନ ମଣ୍ଡଳି ଅନ୍ତର୍ଗତ ବିଭିନ୍ନ ଅଞ୍ଚଳରେ ରବିବାର କଂଗ୍ରେସ ଦଳ ପକ୍ଷରୁ ଜନସଂପର୍କ ଅଭିଯାନ ମାଧ୍ୟମରେ ନିର୍ବାଚନ ପ୍ରଚାର ଜୋରଦାର କରାଯାଇଛି। ଆଠଗଡ଼ ଦଳୀୟ କାର୍ଯ୍ୟାଳୟରୁ ବିଧାୟକ ପ୍ରାର୍ଥୀ ସୁଦର୍ଶନ ସାହୁ ଓ କଟକ ଲୋକସଭା ପ୍ରାର୍ଥୀ ସୁରେଶ ମହାପାତ୍ର କର୍ମୀମାନଙ୍କର ଏକ ବିଶାଳ ବାଇକ ଶୋଭାଯାତ୍ରା ସହିତ ରାଧାଗୋବିନ୍ଦପୁର, ଧାଇପୁର, ବେଣ୍ଟପଦା, ରାଜନଗର, ମେଘା, କଟକିଆସାହି, ଧୁରୁଷିଆ, ଅନନ୍ତପୁର, କଖଡି, ମଞ୍ଚେଶ୍ୱର, ଖୁଣ୍ଟୁଣୀ, ଭୋଗରା, କୁଲାଇଲୋ ଓ ଦୋରଡ ପଞ୍ଚାୟତ ସମେତ ଆଠଗଡ଼ ସହରରେ ପ୍ରଚାର କରିଥିଲେ। ବିଭିନ୍ନ ଗ୍ରାମାଞ୍ଚଳର ଛକସ୍ଥାନରେ ପଥପ୍ରାନ୍ତ ସଭା ମାଧ୍ୟମରେ ଉଭୟ ବିଜେଡି ଓ ବିଜେପି ଦଳକୁ ତୀବ୍ର ସମାଲୋଚନା କରିବା ସହ କଂଗ୍ରେସର ୫ଟି ଗ୍ୟାରେଣ୍ଟି ସଂପର୍କରେ କହି ଲୋକଙ୍କ ସମର୍ଥନ ଭିକ୍ଷା କରିଥିଲେ। ଏହି କାର୍ଯ୍ୟକ୍ରମରେ ବରିଷ୍ଠ କଂଗ୍ରେସ ନେତା ସୋମନାଥ ଭକ୍ତା, କିଶୋର ସାମନ୍ତରାୟ, ମହିଳା କଂଗ୍ରେସ ସଭାନେତ୍ରୀ ଲକ୍ଷ୍ମୀ ନାୟକ ବରିଷ୍ଠ ନେତା ସୁରେଶ ବିଶ୍ୱାଳ, କୈଳାସ ଚନ୍ଦ୍ର ସାହୁ, ଗଦାଧର ରାଉତ, ନିଶିକାନ୍ତ ସ୍ୱାଇଁ, ମାନସ ପ୍ରଧାନ, ସର୍ବେଶ୍ୱର ପଣ୍ଡା ପ୍ରମୁଖ ଉଦ୍ବୋଧନ ଦେଇ କଂଗ୍ରେସ ପ୍ରାର୍ଥୀଙ୍କୁ ଭୋଟ ଦେବା ପାଇଁ ନିବେଦନ କରିଥିଲେ।
Comments are closed.