କଲ୍ୟାଣସିଂହପୁର : ରାୟଗଡା ଜିଲା କଲ୍ୟାଣସିଂହପୁର ବ୍ଲକରେ ରଥଯାତ୍ରା ପାଳନ ନିମନ୍ତେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ମନ୍ଦିର ପରିଚାଳନା କମିଟିର ସଭାପତି ନରସିଂହ ପାଢ଼ୀଙ୍କ ଅନୁରୋଧ କ୍ରମେ ଦେବତର ବିଭାଗୀୟ ଅଧିକାରୀ ତହସିଲଦାର ସୁଧାକର ରଇତଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ ହୋଇଛି । ଏଥିରେ ବିଡ଼ିଓ ସୁନିଲ ଖରା ,ବନାଞ୍ଚଳ ଅଧିକାରୀ ଚନ୍ଦନ ଗମାଙ୍ଗ ,ଏସ ଆଇ ସଞ୍ଜୟ କୁମାର ମୁର୍ମୁ ,ରାଜସ୍ୱ ଅଧିକାରୀ ସତ୍ୟଜିତ ଦାସ ,କମିଟି ସଦସ୍ୟ ଭି. ସୂର୍ୟ୍ୟ ପ୍ରକାଶ ରାଓ ,ଶରତ ଚନ୍ଦ୍ର ପାଢ଼ୀ ,ଜି ପେଣ୍ଟିଆ ପ୍ରମୁଖ ଉପସ୍ଥିତ ରହିଥିଲେ । ଗତ ବର୍ଷ ହୋଇଥିବା ରଥ ଯାତ୍ରାର ଖର୍ଚ୍ଚର ଆୟବ୍ୟୟ ହିସାବ ଦେଖିବା ସହ ଯାତ୍ରା ବିଷୟ ନେଇ ପୁଙ୍ଖାନୁପୁଙ୍ଖ ଭାବରେ ଆଲୋଚନା କରିଥିଲେ । ୪ ତାରିଖରେ ଶ୍ରୀ ଜଗନ୍ନାଥ ବଳଭଦ୍ର ,ସୁଭଦ୍ରା ସ୍ନାନ ପୂର୍ଣ୍ଣିମା କିପରି ସୁରୁଖୁରୁରେ କରାଯିବ ଆଲୋଚନା କରିଥିଲେ । ଆସନ୍ତା ୭ ତାରିଖରେ ପୁନର୍ବାର ତହସିଲଦାର କାର୍ୟ୍ୟାଳୟରେ ବୈଠକ କରାଯିବ ବୋଲି ନିଷ୍ପତ୍ତି ହୋଇଛି।
Comments are closed.