କଲମପୁର: ଶେଷ ହେଉନାହିଁ ସିଙ୍ଗାରୀ ଘାଟି ପିକଅପ ଦୁର୍ଘଟଣାର ଟ୍ରାଜେଡି । ଗତ ମଙ୍ଗଳବାର ଦିନ ଘଟଣା ସ୍ଥଳରେ ୨ ଓ ଜିଲ୍ଲାମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ ପୁଣି ୨ ଜଣଙ୍କ ମୃତ୍ୟୁ ହେଇଥିଲା । ଅନ୍ୟ ଆହତ ମାନଙ୍କ ମଧ୍ୟରୁ ଦଶରୁ ମାଝୀ ନାମକ ବ୍ୟକ୍ତି ଗୁରୁତର ଥିବାରୁ ଜିଲ୍ଲା ମୁଖ୍ୟ ଚିକିତ୍ସାଳୟରୁ ବୁର୍ଲା ବୀର ସୁରେନ୍ଦ୍ର ସାଏ ଭେଷଜ ମହାବିଦ୍ୟାଳୟକୁ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଗତରବିବାର ବିଳମ୍ବିତ ରାତିରେ ତାଙ୍କର ମୃତ୍ୟୁ ହେଇଥିଲା । ଏବେ ସିଙ୍ଗାରୀ ଘାଟି ପିକଅପ ଦୁର୍ଘଟଣାର ମୃତ୍ୟୁ ସଂଖ୍ୟା ୫କୁ ବୃଦ୍ଧି ପାଇଛି । ପୂର୍ବରୁ ମୃତ୍ୟୁ ହେଇଥିବା ୪ ଜଣଙ୍କ ପରିବାରକୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ୨ଲକ୍ଷ ଟଙ୍କାର ଅନୁକମ୍ପା ସହାୟତା ରାଶି ଘୋଷଣା କରାଯାଇଥିଲା । ରବିବାର ବିଳମ୍ବିତ ରାତିରେ ମୃତ୍ୟୁ ବରଣ କରିଥିବା ଦଶରୁ ମାଝୀ ପରିବାର ଅତ୍ୟନ୍ତ ଗରିବ । ତେଣୁ ତୁରନ୍ତ ଏହି ପିରବାର ପ୍ରତି ମଧ୍ୟ ସରକାର ଗୁରୁତ୍ୱ ଦେଇ ଆର୍ଥିକ ସହାୟତା ଯୋଗାଇ ଦେବା ପାଇଁ ଗ୍ରାମବାସୀଙ୍କ ତରଫରୁ ଦାବି ହେଉଛି ।
ବାରମ୍ବାର ଏହି ଗ୍ରାମବାସୀଙ୍କ ସମେତ ବୀରାଗୁଡା, ଗମ୍ଭାରୀଗୁଡା ଏବଂ ମୁଣ୍ଡିଚୁଆଁର ଖାଦ୍ୟ ସୁରକ୍ଷା ଯୋଜନାର ହିତାଧିକାରୀଙ୍କ ସୁବିଧା ଦୃଷ୍ଟିରୁ ଜୁନାଗଡ ବ୍ଲକ ଅଧିନସ୍ଥ ଦାସିଗାଁ ପଞ୍ଚାୟତରୁ ପି.ଡି.ଏସ ଏବଂ ସମାଜିକ ସୁରକ୍ଷା ଯୋଜନାର ହିତାଧିକାରୀଙ୍କୁ ଭତ୍ତା ଯୋଗାଇବା ପାଇଁ ଦାବି କରାଯାଇଥିଲା । କିନ୍ତୁ ପ୍ରଶାସନ ଏଥିପ୍ରତି ଗୁରୁତ୍ୱ ଦେଇନଥିବାରୁ ଏତେବଡ ଦୁର୍ଘଟଣା ଦ୍ୱାରା ୫ଟି ଅମୂଲ୍ୟ ଜୀବନ ଅକାଳରେ ଝଲିଗଲା ।
Comments are closed.