ସମ୍ବଲପୁର – ସମ୍ବଲପୁର ଜିଲା ରେଢ଼ାଖୋଲ ବ୍ଲକର କଦଳୀଗଡ ସ୍ଥିତ ଉଚ୍ଚ ବିଦ୍ୟାଳୟକୁ ଯୁକ୍ତ ୨ ମହାବିଦ୍ୟାଳୟ (କଳା) ରୂପେ ମଞ୍ଜୁରୀ ଦେବା ପରେ ମଙ୍ଗଳବାର କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କୁ କୃତଜ୍ଞତା ଅଞ୍ଚଳବାସୀ ଜଣାଇଛନ୍ତି । ଗତ ବର୍ଷ ଅକ୍ଟୋବର ୨ ତାରିଖ ଅବସରରେ ବିଦ୍ୟାଳୟ ଗସ୍ତରେ ଆସିଥିବା କେନ୍ଦ୍ର ଶିକ୍ଷାମନ୍ତ୍ରୀ ପ୍ରଧାନଙ୍କୁ କଦଳୀଗଡ ଗ୍ରାମର କମ୍ଭୁ ପ୍ରସାଦ ଗଡତିଆ ଓ ରଘୁନାଥ କର୍ଣ୍ଣ ଯୁକ୍ତ ୨ ମହାବିଦ୍ୟାଳୟ ପାଇଁ ଦାବି କରିଥିଲେ ।
ଏଣୁ ଆଜି ରେଢ଼ାଖୋଲ ଜୋନ ୨ ଜିଲା ପରିଷଦ ସଦସ୍ୟ ଶରତ ପ୍ରଧାନ ଓ ବରିଷ୍ଠ ବିଜେପି ନେତା ଗୋବିନ୍ଦ ଅଗ୍ରୱାଲ ଉତ୍ତରୀୟ ଦେଇ ଗଡତିଆ ଓ କର୍ଣ୍ଣଙ୍କୁ ସମ୍ବର୍ଦ୍ଧିତ କରିଛନ୍ତି । ଏଥି ସହ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ମିଷ୍ଠାନ୍ନ ଓ ବିସ୍କୁଟ ବଣ୍ଟନ କରାଯାଇ ସମସ୍ତଙ୍କୁ ଅଭିନନ୍ଦନ ଜଣାଯାଇଥିଲା । ଅଞ୍ଚଳର ଅନେକ ଦିନର ଦାବି ପୂରଣ ହୋଇଥିବାରୁ ଅଞ୍ଚଳର ଅନେକ ଛାତ୍ରଛାତ୍ରୀ ଏହା ଦ୍ୱାରା ଉପକୃତ ହେବେ । କାର୍ଯ୍ୟକ୍ରମରେ ବୃଷକେତୁ ପ୍ରଧାନ, ଭୂବନ ପ୍ରଧାନ, ଉତ୍ତମ ମହାକୁଡ, ସଞ୍ଜୟ ମେଶ୍ୱା, ଜିତେନ୍ଦ୍ର କଁହର, ଚକ୍ରଧର ପ୍ରଧାନ ଙ୍କ ସମେତ ଅନେକ ଅଞ୍ଚଳବାସୀ ଉପସ୍ଥିତ ରହିଥିଲେ ।
Comments are closed.