ସମ୍ବଲପୁର, – ପୁରୀର ବ୍ରଜ ଗୋପୀକା ସେବା ମିଶନ ପକ୍ଷରୁ ସମ୍ବଲପୁର ସାର୍ବଜନୀନ ପାଠାଗାରକୁ ୩ ଲକ୍ଷ ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇଛି । ସ୍ୱତନ୍ତ୍ର ଚେକ ମାଧ୍ୟମରେ ଅନୁଷ୍ଠାନର ପ୍ରତିନିଧି ମଣ୍ଡଳ ପୁରୀରୁ ସମ୍ବଲପୁରକୁ ଆସି ଏହା ପ୍ରଦାନ କରିଛନ୍ତି ।
ମଙ୍ଗଳବାର ପୁରୀରୁ ଦେବାନନ୍ଦ ନାୟକ, ବନ୍ଦନା ହୋତା ଓ ଶଶିଭୂଷଣ ଦଳାଇ ସମ୍ବଲପୁରକୁ ଆସି ସାର୍ବଜନୀନ ପାଠାଗାର ଠାରେ ଅଧ୍ୟକ୍ଷ ପ୍ର. ଆଦିତ୍ୟ ପ୍ରସାଦ ପାଢ଼ୀ ଙ୍କୁ ପ୍ରଦାନ କରିଛନ୍ତି । ଏହି ଅବସରରେ ପାଠାଗାରର ସମ୍ପାଦକ ରଘୁନାଥ ମିଶ୍ର, ଡ. ଗିରିଧାରୀ ହୋତା ଓ ଯୁଗ୍ମ ସମ୍ପାଦକ ରାଜେନ୍ଦ୍ର କୁମାର ପଣ୍ଡା ଉପସ୍ଥିତ ରହିଥିଲେ ।
ସୂଚନାଯୋଗ୍ୟ ଯେ ଗତ ୨୩ ତାରିଖରେ ପାଠାଗାର ତରଫରୁ ଆୟୋଜିତ ଜାତୀୟ ସମ୍ପାନରେ ସ୍ୱତନ୍ତ୍ର ଅତିଥି ସାଧ୍ୱୀ ପ୍ରବଚିକା ପୂଜ୍ଜ୍ୟା ରାସେଶ୍ୱରୀ ଦେବୀ ଏହି ସହାୟତା ରାଶି ଏହାର ବିକାଶ ନିମନ୍ତେ ପ୍ରଦାନ କରିବାକୁ ଘୋଷଣା କରିଥିଲେ । ଏହି ଅବସରରେ ପୂର୍ବତନ ବିଧାୟିକା ଡା. ରାସେଶ୍ୱରୀ ପାଣିଗ୍ରାହୀ ଏକ ଲକ୍ଷ ଟଙ୍କାର ସହାୟତା ପ୍ରଦାନ କରିଥିବାରୁ ପାଠାଗାର ତରଫରୁ ଉଭୟ ଙ୍କୁ କୃତଜ୍ଞତା ଜ୍ଞାପନ କରାଯାଇଛି ।
Comments are closed.