ଗୋଲଡ୍ କୋଷ୍ଟ : ରାଜ୍ୟଗୋଷ୍ଠୀ କ୍ରୀଡ଼ା-୨୦୧୮ରେ ଦୁଇ ପାରମ୍ପରିକ ପ୍ରତିଦ୍ୱନ୍ଦୀ ଭାରତ ଓ ପାକିସ୍ଥାନ ମଧ୍ୟରେ ଅନୁଷ୍ଠିତ ପୁରୁଷ ହକି ମ୍ୟାଚ ଅମିମାଂସିତ ଭାବେ ଶେଷ ହୋଇଛି। ଶନିବାର ଅନୁଷ୍ଠିତ ଏହି ହକି ମ୍ୟାଚର ପ୍ରଥମ ୩୦ ମିନିଟ୍ରେ ଭାରତ ୨-୦ରେ ଆଗୁଆ ଥିଲା। ପ୍ରଥମ ହାଫ୍ରେ ଭାରତ ପ୍ରାଧାନ୍ୟ ବିସ୍ତାର କରିଥିଲା। ଭାରତ ପକ୍ଷରୁ ଦିଲପ୍ରୀତ ଏବଂ ହରମନପ୍ରୀତ ଦୁଇଟିଯାକ ଗୋଲ ସ୍କୋର କରିଥିଲେ। ଗୋଟିଏ ସମୟ ଥିଲା ଭାରତ ୨-୧ରେ ଅଗ୍ରଣୀ ଲାଭ କରିଥିଲା। ତେବେ ଶେଷ ଆଠ ସେକେଣ୍ଡରେ ମ୍ୟାଚର ଗତି ବଦଳି ଯାଇଥିଲା। ଫଳରେ ମ୍ୟାଚ ଡ୍ର’ ରହିଥିଲା।
