ଝୁମ୍ପୁରା: ମଙ୍ଗଳବାର ଝୁମ୍ପୁରା ବ୍ଲକ ଅସନପାଟ ଗ୍ରାମ ପରିସର ମଧ୍ୟରେ ରହିଥିବା ସଭାମଣ୍ଡପ ଠାରେ ଜାତୀୟ ଜନଜାତି ଆୟୋଗ ଅନନ୍ତ ନାୟକଙ୍କ ଜନଶୁଣାଣୀ ଅନୁଷ୍ଠିତ ହୋଇଯାଇଛି। ଅସନପାଟ ଓ ଏହାର ଆଖାପାଖ ପଞ୍ଚାୟତର ଆଦିବାସୀ ଓ ହରିଜନ ସମ୍ପ୍ରଦାୟ ଲୋକମାନଙ୍କ ରାସ୍ତାଘାଟ, ପାନୀୟ ଜଳ, ଶିକ୍ଷା ଆଦି ସମସ୍ୟା ଗୁଡିକ ପୂର୍ବରୁ ଲାଗି ରହିଛି। ପୂର୍ବରୁ ଲାଗି ରହିଥିବା ସମସ୍ୟା ଗୁଡିକ କିପରି ସମାଧାନ କରାଯିବ ଏବଂ ଜନସାଧାରଣ କିପରି ତାହାର ସୁଫଳ ପାଇ ପାରିବେ ସେଥିପାଇଁ ଜନଶୁଣାଣୀ ଅନୁଷ୍ଠିତ ହୋଇଥିଲା।
ଏହି ଜନ ଶୁଣାଣୀରେ ରାଜ୍ୟ ଜନଜାତି ଆୟୋଗ ଦୀପକ କୁମାର ପଲେଇ, ଆଇନ ପରାମର୍ଶ ଦାତା ରାଧାକାନ୍ତ ତ୍ରିପାଠି, ବିଦ୍ୟାଧର ବେହେରା, ଅସନପାଟ ପଞ୍ଚାୟତ ସଂପ୍ରସାରଣ ଅଧିକାରୀ ରକ୍ଷାକର ନାଏକ, ଜିଆଏସ୍ ମନ୍ନଥ ମହାକୁଡ ପ୍ରମୁଖ ଉପସ୍ଥିତ ରହିଥିଲେ। ଏହି ଅଭିଯୋଗ ଶୁଣାଣୀରେ ୫ ଶହରୁ ଅଧିକ ବ୍ୟକ୍ତି ସେମାନଙ୍କ ଅଭିଯୋଗକୁ ଲିଖିତ ଆକାରରେ ପ୍ରଦାନ କରିଛନ୍ତି।
Comments are closed.