ଧାମରା: ଧାମରା ନିକଟସ୍ଥ ଜାଗୁଳା ପଞ୍ଚାୟତରେ ପ୍ରାକ ନିର୍ବାଚନୀ ହିଂସା ଦେଖିବାକୁ ମିଳିଛି। ଏଥିରେ ଜଣେ ଗୁରୁତର ଭାବେ ଆହତ ହୋଇଛନ୍ତି ଓ ଭଦ୍ରକ ମେଡିକାଲକୁ ଚିକିତ୍ସା ପାଇଁ ପଠାଯାଇଛି। ଘଟଣାରୁ ପ୍ରକାଶ ଗତକାଲି ଜାଗୁଳା ପଞ୍ଚାୟତ ଅଧିନସ୍ଥ ବଳଭଦ୍ରପ୍ରଶାଦ ଗ୍ରାମର ତପନ ମାଇତି କଇଥଖୋଲାରୁ ବଜାର କାମ ସାରି ନିଜ ଘରକୁ ଫେରୁଥିଲା। ମଣ୍ଡଳପଡା ଠାରେ ୪ଜଣ ଯୁବକ ସଂଘବଦ୍ଧ ଭାବରେ ଏକ ଭୁଜାଲିରେ ଅତର୍କିତ ଭାବେ ଆକ୍ରମଣ କରିଥିଲେ। ଏହି ଆକ୍ରମଣ ପରେ ସେ ତଳେ ପଡିଯାଇଥିଲା। ସଂପୃକ୍ତ ଯୁବକମାନେ ତପନ ମାଇତି ଉପରକୁ ଏକ ଭୂଜାଲି ଫିଙ୍ଗିଥିଲେ, ଯାହା ତାଙ୍କ ଓ ମୁହଁରେ ବାଜି ଆଘାତ ଲାଗିଥିଲା। ପ୍ରବଳ ରକ୍ତ ସ୍ରାବ ହେବାରୁ ତପନକୁ ତୁରନ୍ତ ଭଦ୍ରକ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା। ଏ ନେଇ ଧାମରା ସାମୁଦ୍ରିକ ଥାନାରେ ଏକ ମାମଲା ରୁଜୁ ହୋଇ ଅଧିକ ତଦନ୍ତ ଜାରି ରହିଛି।
Comments are closed.