ଚୌଦ୍ୱାର: ଚୌଦ୍ୱାର ଶ୍ରୀ ଜଗନ୍ନାଥ ଭକ୍ତ ସମାଜ ଆନୁକୁଲ୍ୟରେ ଶ୍ରୀ ଜଗନ୍ନାଥ ପାଞ୍ଚରାତ୍ର ମହୋତ୍ସବ ଆୟୋଜନ ନେଇ ଏକ ପ୍ରସ୍ତୁତି ବୈଠକ ନୁଆପାଟଣା ଡାକବଙ୍ଗଳାରେ ଅନୁଷ୍ଠିତ ହୋଇଯାଇଛି । ଚଳିତ ମାସ ୨୧ତାରିଖରୁ ୨୫ତାରିଖ ପର୍ଯନ୍ତ କୟଳପଡ଼ା ବାଲୁଙ୍କେଶ୍ୱର ମନ୍ଦିର ପ୍ରାଙ୍ଗଣରେ ଏହି ମହୋତ୍ସବ ଆୟୋଜନ କରାଯିବା ବୈଠକରେ ସ୍ଥିରିକୃତ ହୋଇଥିଲା । ବୈଠକରେ ଉପଦେଷ୍ଟା ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ ଯୋଗଦେଇ କାର୍ଯ୍ୟକ୍ରମକୁ ସରସସୁନ୍ଦର କରିବା ପାଇଁ ଉପସ୍ଥିତ ସମସ୍ତ ସରକାରୀ ବିଭାଗୀୟ ଅଧିକାରୀ ଓ ଜନ ପ୍ରତିନିଧି ମାନଙ୍କୁ ନିବେଦନ କରିଥିଲେ। ଜନସ୍ୱାସ୍ଥ୍ୟ, ଗ୍ରାମ୍ୟ ଜଳଯୋଗାଣ, ବିଦ୍ୟୁତ୍, ସ୍ୱାସ୍ଥ୍ୟ,ପୋଲିସ୍, ଗ୍ରାମ୍ୟ ଉନ୍ନୟନ, ବନ ଆଦି ବିଭାଗର ପଦସ୍ଥ ଅଧିକାରୀ ମାନେ ଏଥିରେ ଯୋଗଦେଇ ଏହି କାର୍ଯ୍ୟକ୍ରମରେ ସମସ୍ତ ସହଯୋଗ କରିବା ପାଇଁ ପ୍ରତିଶ୍ରୁତି ଦେଇଥିଲେ । ଟାଙ୍ଗୀ-ଚୌଦ୍ୱାର ବିଡ଼ିଓ ଆଶୁତୋଷ ମିଶ୍ର, ବ୍ଲକ୍ ଉପାଧ୍ୟକ୍ଷା, ସ୍ଥାନୀୟ ସରପଞ୍ଚଙ୍କ ପ୍ରତିନିଧି ଏବଂ ସମିତି ସଭ୍ୟ କାର୍ଯ୍ୟକ୍ରମରେ ଉପସ୍ଥିତ ଥିଲେ । ଜଗନ୍ନାଥ ଭକ୍ତ ସମାଜ ଉପଦେଷ୍ଟା ନରେନ୍ଦ୍ରନାଥ ସ୍ୱାଇଁ, ଶରତ ଖୁଣ୍ଟିଆ, ଦିବ୍ୟଜ୍ୟୋତି ପାଣି,ସ୍ୱପ୍ନା ନାୟକ, ଲକ୍ଷ୍ମୀଧର ଖୁଣ୍ଟିଆ, ଶ୍ରୀମନ୍ତ ପ୍ରଧାନ, ଶ୍ରୀଧର ରାଉଳ, ସୁଧାକର ନାୟକ, ତୀର୍ଥାନନ୍ଦ ସୁବୁଦ୍ଧିରାୟ, ରଶ୍ମୀରଞ୍ଜନ ପ୍ରଧାନ,ଲକ୍ଷ୍ମଣ ରାଉତ ପ୍ରମୁଖ ଆଲୋଚନାରେ ଅଂଶ ଗ୍ରହଣକରିଥିଲେ । ନାରାୟଣ ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ ।
Comments are closed.