ଆନ୍ତର୍ଜାତିକ ମହିଳା ଦିବସ: କଂଗ୍ରେସର ଶୋଭାଯାତ୍ରା, ଇନ୍ଦିରା ଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ

ଭୁବନେଶ୍ୱର: ମହିଳା ଜିଲା କଂଗ୍ରେସ ପକ୍ଷରୁ ଆନ୍ତର୍ଜାତିକ ମହିଳା ଦିବସ ପାଳିତ ହୋଇଯାଇଛି। ଏହି ଅବସରରେ କଂଗ୍ରେସ ଭବନ ଠାରେ ଥିବା ପୂର୍ବତନ ପ୍ରଧାନ ମନ୍ତ୍ରୀ ଇନ୍ଦିରା ଗାନ୍ଧୀଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ କରି କଂଗ୍ରେସ ନେତୃବନ୍ଦ ଏକ ପଦଯାତ୍ରାରେ ଇନ୍ଦିରା ଗାନ୍ଧୀ ପାର୍କକୁ ଯାଇଥିଲେ। ସେଠାରେ ଥିବା ସ୍ୱର୍ଗୀୟା ଇନ୍ଦିରା ଗାନ୍ଧୀଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ ସହ ଶ୍ରଦ୍ଧା ସୁମନ ଜ୍ଞାପନ କରିଥିଲେ।

ସେଠାରୁ ୟୁନିଟ ୨ ସ୍ଥିତ ବସ୍ତିରେ ଗରିବ ମହିଳାମାନଙ୍କୁ ଫଳ ଏବଂ ମିଷ୍ଟାନ୍ନ ବଣ୍ଟନ କରିଥିଲେ। ଭୁବନେଶ୍ବର ମହିଳା କଂଗ୍ରେସ ସଭାନେତ୍ରୀ ଗୀତାଞ୍ଜଳି ମହାନ୍ତିଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଭୁବନେଶ୍ୱର ମେୟର ପ୍ରାର୍ଥୀ ମଧୁସ୍ମିତା ଆଚାର୍ଯ୍ୟ , ଜିଲା କଂଗ୍ରେସ ସଭାପତି ବିଶ୍ୱଜିତ୍ ଦାସ, ବିଧାୟକ ସୁରେଶ କୁମାର ରାଉତରାୟ,ରଶ୍ମୀ ମହାପାତ୍ର, ସମେତ ସ୍ବାଧୀନବାଲା ଦାଶ, ଚୈତାଲି ପଟ୍ଟନାୟକ, ସୁଭଦ୍ରା ମିଶ୍ର, କୁସୁମ ପ୍ରଧାନ,ଶ୍ରୀୟାସ୍ମିତା ପଣ୍ଡା, ଅଞ୍ଜଳି ସାହୁ,ତୈମୁନ ବିବି, ନିସୀତା ମହନ୍ତି, ଲୀପ୍ସା ମହାନ୍ତି, ପୁଷ୍ପିତା ଦାସ, ଚଞ୍ଚଳା ସେଠୀ, ବୈଜୟନ୍ତି ତ୍ରିପାଠୀ ପ୍ରମୁଖଙ୍କ ସମେତ ସମସ୍ତ କର୍ପୋରେଟର ପ୍ରାର୍ଥୀମାନେ ଯୋଗ ଦେଇଥିଲେ।