ଅହମ୍ମଦାବାଦ୍: ସ୍ଥାନୀୟ ନରେନ୍ଦ୍ର ମୋଦୀ ଷ୍ଟାଡିୟମରେ କ୍ରିକେଟ୍ ବିଶ୍ବକପ୍ର ବହୁ ପ୍ରତୀକ୍ଷିତ ଭାରତ-ପାକିସ୍ତାନ ମ୍ୟାଚ୍ ଶନିବାର ଖେଳାଯିବ। ଏହି ମ୍ୟାଚ୍ରେ ଭାରତୀୟ ଦ ଚାପରେ ରହିବ ବୋଲି କହିଛନ୍ତି ପାକିସ୍ତାନ ଦଳର ଦ୍ରୁତ ବୋଲର ହସନ ଅଲ୍ଲି। ପାକିସ୍ତାନ କ୍ରିକେଟ୍ ବୋର୍ଡ ତରଫରୁ ଜାରି ଏକ ଭିଡିଓରେ ହସନ ଦର୍ଶାଇଛନ୍ତି ଭାରତ-ପାକିସ୍ତାନ ମ୍ୟାଚ୍ ଦେଖିବାକୁ ବିଶ୍ବର ସମସ୍ତ କ୍ରିକେଟ୍ ପ୍ରଶଂସକ ଅନାଇ ବସିଛନ୍ତି। ଏହି ମ୍ୟାଚ୍ରେ ପାକିସ୍ତାନ ଚାପରେ ରହିବ ବୋଲି ଚର୍ଚ୍ଚା ହେଉଥିବା ବେଳେ ସ୍ଥିତି ଭିନ୍ନ ପ୍ରକାରର ସୃଷ୍ଟି ହୋଇଛି। ଘରୋଇ ଦର୍ଶକଙ୍କ ସମ୍ମୁଖରେ ଖେଳୁଥିବାରୁ ଭାରତୀୟ ଦଳ ଚାପରେ ରହିବ। ନରେନ୍ଦ୍ର ମୋଦୀ ଷ୍ଟାଡିୟମରେ ୧ ଲକ୍ଷରୁ ଅଧିକ ମ୍ୟାଚ୍ ଉପଭୋଗ କରିବେ। ଏତେ ସଂଖ୍ୟକ ଦର୍ଶକଙ୍କ ସମ୍ମୁଖରେ ଖେଳିବାକୁ ନେଇ ପାକିସ୍ତାନ ଦଳର କ୍ରିକେଟର୍ ବେଶ୍ ଉତ୍ସାହିତ ଅଛନ୍ତି। ଭାରତୀୟ ଦଳ ବିଶ୍ବକପ୍ରେ କ୍ରମାଗତ ଭାବେ ପାକିସ୍ତାନକୁ ପରାସ୍ତ କରିଥିଲେ ମଧ୍ୟ ଏହାର ପ୍ରଭାବ ଶନିବାର ମ୍ୟାଚ୍ରେ ପାକିସ୍ତାନ ଖେଳାଳିଙ୍କ ଉପରେ ପଡ଼ିବ ନାହିଁ। ପାକିସ୍ତାନ ଏହି ମ୍ୟାଚ୍ରେ ବିଜୟୀ ହୋଇ ପୂର୍ବର ଧାରା ନିଶ୍ଚିତ ଭାବେ ଭାଙ୍ଗିବ। ପାକିସ୍ତାନ ଦଳ ପୂର୍ବରୁ ଆଫଗାନିସ୍ତାନ ଓ ଶ୍ରୀଲଙ୍କାକୁ ପରାସ୍ତ କରିଥିବାରୁ ଏହି ଦଳର ଖେଳାଳିଙ୍କ ମନୋବଳ ବେଶ୍ ଉଚ୍ଚରେ ରହିଛି। ପାକିସ୍ତାନର ବୋଲର ଓ ବ୍ୟାଟସମ୍ୟାନ୍ ଭଲ ଫର୍ମରେ ଥିବାରୁ ଏହି ମ୍ୟାଚ୍ରେ ଦଳ ବିଜୟୀ ହେବାକୁ ଆଶା ରଖିଛି।
Popular Categories
Previous article
Next article