ମ୍ୟୁନିକ୍: ଜର୍ମାନୀର ମ୍ୟୁନିକ ସହରରେ ଜଣେ ପ୍ରବାସୀ ଭାରତୀୟଙ୍କୁ ହତ୍ୟା କରାଯାଇଛି। ଜଣେ ଯୁବକ ତାଙ୍କୁ ଛୁରି ଭୁସି ହତ୍ୟା କରିଛନ୍ତି। ହତ୍ୟାର ଶିକାର ହୋଇଥିବା ବ୍ୟକ୍ତିଙ୍କ ନାମ ପ୍ରଶାନ୍ତି ବାସାରୁର। ଆକ୍ରମଣରେ ତାଙ୍କ ପତ୍ନୀ ସ୍ମିତା ବାସାରୁର ଗୁରୁତର ଆହତ ହୋଇଛନ୍ତି। ତାଙ୍କ ଅବସ୍ଥା ସଙ୍କଟାପନ୍ନ ଥିବା ପୁଲିସ ସୂଚନା ଦେଇଛି।
ସୂଚନା ମୁତାବକ, ପ୍ରଶାନ୍ତ ଏବଂ ତାଙ୍କ ପତ୍ନୀ ଗତବର୍ଷ ଜର୍ମାନ ନାଗରିକତ୍ଵ ଲାଭ କରିଥିଲେ। ଉଭୟେ ମ୍ୟୁନିକ ସହରର ଏକ ଆପାର୍ଟମେଣ୍ଟରେ ସେମାନେ ରହୁଥିଲେ। ସେଠାରେ ରହୁଥିବା ଜଣେ ଯୁବକଙ୍କ ସହ ଯୁକ୍ତିତର୍କ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ଉକ୍ତ ଯୁବକ ପ୍ରଶାନ୍ତ ଏବଂ ତାଙ୍କ ପତ୍ନୀଙ୍କୁ ଛୁରିରେ ଆକ୍ରମଣ କରିଥିଲେ। ପ୍ରଶାନ୍ତଙ୍କ ଶରୀରକୁ ଏକାଧିକ ଥର ଛୁରାଘାତ କରିବାରୁ ତାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ସ୍ଥାନୀୟ ଲୋକେ ଅଭିଯୁକ୍ତଙ୍କୁ କାବୁ କରିବା ସହ ପୀଡ଼ିତଙ୍କୁ ହସ୍ପିଟାଲ ପଠାଇଥିଲେ।
