ରେଙ୍ଗାଲିକ୍ୟାମ୍ପ : ଆଜି ପବିତ୍ର ହେରା ପଞ୍ଚମୀରେ କାଠଡେରା ଗୁଣ୍ଡିଚା ଧାମରେ ହଜାର ହଜାର ଶ୍ରଦ୍ଧାଳୁମାନଙ୍କ ଭିଡ଼ ଜମିଥିଲା। ଗରମ ପାଗ ସହିତ ଲୋକଙ୍କ ଭିଡ଼ ଯୋଗୁ ଲୋକମାନେ ଇତଃସ୍ତତ ହୋଇପଡ଼ିଥିଲେ । ଏହି ଅବସରରେ ଅତାବିରା ବ୍ଲକ ସ୍କାଉଟ୍ ଗାଇଡ ଦ୍ଵାରା ଆୟୋଜିତ ସେବା ଶିବିରର ଦ୍ଵିତୀୟ ଦିବସରେ ସ୍କାଉଟ୍ ଗାଇଡ ତଥା ଜୁନିଅର ରେଡକ୍ରସର ଛାତ୍ରଛାତ୍ରୀମାନେ ଲୋକଙ୍କୁ ସରବତ ଓ ପାନୀୟ ଜଳ ବଣ୍ଟନ କରିଥିଲେ । ଏହା ସହିତ ଲୋକଙ୍କୁ ଶୃଙ୍ଖଳାର ସହିତ ଦିଅଁ ଦର୍ଶନ କରିବାରେ ମଧ୍ୟ ସାହାଯ୍ୟ କରିଥିଲେ । ଏହା ସହିତ ଲୋକଙ୍କୁ ପରିବେଶ ପ୍ରଦୂଷଣ ନକରି ଡଷ୍ଟବିନର ବ୍ୟବହାର କରିବା ପାଇଁ ସଚେତନ କରିଥିଲେ । ଏହି ସେବା କାର୍ଯ୍ୟରେ ବ୍ଲକର ଲଚିଦା, ହିର୍ଲିପାଳୀ ଓ ଟୋପ ହାଇ ସ୍କୁଲର ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ । ଏହାଦ୍ବାରା ଏହି ଛାତ୍ରଛାତ୍ରୀମାନଙ୍କ ଭିତରେ ସେବା ମନୋଭାବ ସୃଷ୍ଟି କରାଯାଉଛି। ଯାହା ଭବିଷ୍ୟତରେ ତାଙ୍କୁ ବିଶେଷ ସହାୟକ ହୋଇପାରିବ ।
Comments are closed.