ହରଭଙ୍ଗା: ଗତକାଲି ହରଭଙ୍ଗା ବ୍ଲକ ପକ୍ଷରୁ ଚାରିଛକ ବଜାରରେ ଏକ ସଫେଇ ସ୍ୱଛତା କାର୍ଯ୍ୟକ୍ରମ ଆୟୋଜିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ବୌଦ୍ଧ ଜିଲ୍ଲାପାଳ ବିଭୁତି ଭୂଷଣ ନାୟକ ପ୍ରତ୍ୟକ୍ଷ ଭାବେ ସାମିଲ ହୋଇଥିଲେ । ରାସ୍ତାଘାଟରୁ ଅଳିଆ ଆବର୍ଜନା ସଫେଇ କରାଯିବା ସହିତ ଦୋକାନୀ ,ହୋଟେଲ ମାଲିକ ମାନଙ୍କୁ ପରିଷ୍କାର ପରିଛନ୍ନତା ରଖିବା ପାଇଁ ଜିଲ୍ଲାପାଳ ବୁଝାଇଥିଲେ । ଅଳିଆ ଆବର୍ଜନା ସବୁକୁ ଏଠିସେଠି ମନଇଚ୍ଛା ଗଦା ନକରି ଡମ୍ପିଂୟାର୍ଡରେ ପକାଇବା ପାଇଁ ନିର୍ଦ୍ଦେଶ ଦେଇଥିଲେ । ଏଥିପାଇଁ ଏକ ଅଳିଆବୁହା ଟ୍ରଲି ଗାଡି ସହିତ ଚାଳକ ନିଯୁକ୍ତି ପାଇଁ ନିର୍ଦ୍ଦେଶ ଦେଇଥିଲେ । ଏହି ସଫେଇ କାର୍ଯ୍ୟକ୍ରମରେ ଜିଲ୍ଲାପାଳଙ୍କ ସହ ହରଭଙ୍ଗା ବିଡିଓ ଶରତ ସେଠୀ,ହରଭଙ୍ଗା ତହସିଲଦାର ବଳଦେବ ବେହେରା,ଅତିରିକ୍ତ ତହସିଲଦାର ସନ୍ଦିପ୍ ଶୁଭଦର୍ଶନ ଧଳ,ପୁରୁଣା କଟକ ଆଇଆଇସି ଅରୁଣ କୁମାର ସିଂ,ବଜାର କମିଟି କର୍ମକର୍ତ୍ତା,ରାମସେନା କର୍ମକର୍ତ୍ତା, ବ୍ଲକ କର୍ମଚାରୀ ପ୍ରମୁଖ ସାମିଲ ଥିଲେ ।
Popular Categories
Previous article
Next article