ହରଭଙ୍ଗା: ହରଭଙ୍ଗା ଥାନା ଅର୍ନ୍ତଗତ ଅରଖପଦର ଗ୍ରାମର କନ୍ଧସାହିରେ ସୋମବାର ଅପରାହ୍ନ ସମୟରେ ଜଙ୍ଗଲ ନିଆଁରୁ ଅଗ୍ନିକାଣ୍ଡ ଘଟି ସୀତା ମଲ୍ଲିକଙ୍କ ଦୁଇ ବଖରା ଚାଳଘର ଜଳିପୋଡି ପାଉଁଶ ହୋଇଯାଇଛି। ସୂଚନା ଅନୁଯାୟୀ ଆଜି ଅପରାହ୍ନ ୩ଟା ସମୟରେ ସୀତା ମଲ୍ଲିକ ଘରେ ନଥିବାବେଳେ ତାଙ୍କ ଘରେ ଜଙ୍ଗଲ ନିଆଁରୁ ଅଗ୍ନିକାଣ୍ଡ ଘଟିଥିଲା। ଖବର ପାଇ ହରଭଙ୍ଗା ଦମକଳବାହିନୀ ଘଟଣାସ୍ଥଳରେ ପଂହଚି ନିଆଁକୁ ଆୟତ କରିଥିଲେ। ମାତ୍ର ସେତେବେଳକୁ ଗରିବ ବୃଦ୍ଧା ସୀତାଙ୍କ ଦୁଇ ବଖରା ଘର ସହ ଧାନ, ଚାଉଳ ଲୁଗାପଟା ସମସ୍ତ ଆସବାବ ପତ୍ରପୋଡି ପାଉଁଶ ହୋଇଯାଇଥିଲା।
ଖବର ପାଇ ହରଭଙ୍ଗା ନୂତନ ସରପଞ୍ଚ ଶକୁନ୍ତଳା ବେହେରାଙ୍କ ପ୍ରତିନିଧି ପ୍ରକାଶ ବେହେରା ସ୍ଥାନୀୟ ଓାର୍ଡ ସଭ୍ୟ ପ୍ରବୀଣ ଭୋକ୍ତା ଘଟଣା ସ୍ଥଳରେ ପଂହଚି ତତକ୍ଷଣାତ ୫ଶହ ଟଙ୍କା ସହାୟତା ଦେଇଥିଲେ। ତୁରନ୍ତ ଅଗ୍ନିବିପନ୍ନ ପରିବାରକୁ ଆବଶ୍ୟକୀୟ ସରକାରୀ ସହାୟତା ଯୋଗାଇଦେବାକୁ ସମାଜସେବୀ ଜ୍ୟୋର୍ତୀମୟ ଦାସ ଦାବି କରିଛନ୍ତି।
Comments are closed.