ଗୁରୁଡିଝାଟିଆ ମହାବିଦ୍ୟାଳୟ ରାଜନୀତି ବିଜ୍ଞାନ ଶେଷ ବର୍ଷ ବିଦ୍ୟାର୍ଥୀଙ୍କୁ ବିଦାୟ ସମ୍ବର୍ଦ୍ଧନା

ଗୁରୁଡିଝାଟିଆ : ଗୁରୁଡିଝାଟିଆସ୍ଥିତ ଶ୍ରୀ ଶ୍ରୀ ଧବଳେଶ୍ୱର ମହାବିଦ୍ୟାଳୟର ଶେଷବର୍ଷ ରାଜନୀତି ବିଜ୍ଞାନ ବିଦ୍ୟାର୍ଥୀଙ୍କୁ  ବିଦାୟ କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି । ବିଭାଗୀୟ ମୁଖ୍ୟ ପ୍ରଫେସର ଡଃ ପ୍ରଶାନ୍ତ କୁମାର ମହାନ୍ତି ଉତ୍ସବରେ ଅଧ୍ୟକ୍ଷତା କରି ବିଦାୟୀ ଛାତ୍ରଛାତ୍ରୀ ଶିକ୍ଷାକ୍ଷେତ୍ରରେ ପାରଦର୍ଶିତା ଲାଭ କରି ନିଜ ପାଇଁ ସ୍ୱତନ୍ତ୍ର ପରିଚୟ ସୃଷ୍ଟି କଲେ ତାହା ମହାବିଦ୍ୟାଳୟ ପାଇଁ ଗୌରବ ବୃଦ୍ଧିକରିବାରେ ସହାୟକ ହେବ ବୋଲି କହିଥିଲେ। ମହାବିଦ୍ୟାଳୟ ଭାରପ୍ରାପ୍ତ ଅଧ୍ୟକ୍ଷ ଡଃ ରାମଚନ୍ଦ୍ର ସାହୁ ମୁଖ୍ୟ ଅତିଥି ଭାବେ ଯୋଗଦେଇ ପ୍ରତ୍ୟେକ ବିଦ୍ୟାର୍ଥୀ ଶୃଙ୍ଖଳା, ସମୟାନୁବର୍ତ୍ତିତା ଓ ଏକାଗ୍ରତା ରଖିଲେ ଲକ୍ଷ୍ୟପଥରେ ପହଞ୍ଚି ପାରିବେ ବୋଲି କହିଥିଲେ । ମହାବିଦ୍ୟାଳୟର ଅଧ୍ୟାପିକା ସନ୍ଦିପ୍ତା ସାହୁ ବିଦାୟୀ ବିଦ୍ୟାର୍ଥୀଙ୍କୁ ସ୍ୱାଗତ କରିବା ସହ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ । ଛାତ୍ରୀ ସନ୍ଧ୍ୟା ବିଶୋଇ, କନକଲତା ରାଉତ, ସଂଗୀତା ସାହୁ, ସ୍ୱାଗତିକା ସ୍ୱାଇଁ, ଭାଗ୍ୟଶ୍ରୀ ସାହୁ, ଶୁଭଲକ୍ଷ୍ମୀ ଜେନା, ଲିପସା ପ୍ରିୟଦର୍ଶିନୀ, ମହେଶ ବସ୍ତିଆ, ବିଷ୍ଣୁପ୍ରସାଦ ଜେନା, ଦେବୀ ପ୍ରସାଦ ଥାଟୋଇ, ପବିତ୍ର ବେହେରା ଓ ସତ୍ୟ ରଞ୍ଜନ ଦାସ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସକ୍ରିୟ ଅଂଶଗ୍ରହଣ କରିଥିଲେ । ସେମିନାର ସଂପାଦିକା ଅର୍ପିତା ସାହୁ ଧନ୍ୟବାଦ ଅର୍ପଣ କରିଥିଲେ।