ଗୁଣୁପୁର: ଚଳନ୍ତା ବସ୍ ରେ ଶିଶୁ କନ୍ୟା ଜନ୍ମ। ଏମିତି କିଛି ଅଭାବନୀୟ ଘଟଣା ଘଟିଛି ଗୁଣୁପୁରରେ। ମିଳିଥିବା ସୂଚନା ଅନୁଯାୟୀ ଏକ ବସ୍ ପାରଳାଖେମୁଣ୍ଡିରୁ ନବରଙ୍ଗପୁର ଯାଉଥିଲା। ଏଥିରେ ଯାଉଥିବା ଜଣେ ଗର୍ଭବତୀ ମହିଳାଙ୍କ ହଠାତ୍ ପ୍ରସବ ଯନ୍ତ୍ରଣା ହୋଇଥିଲା। ଏତିକିବେଳେ ବସ୍ ଭିତରେ ଆସୁଥିବା ଜଣେ ଡାକ୍ତର ତାଙ୍କ ପାଇଁ ସାହାରା ପାଲଟିଛନ୍ତି। ଡାକ୍ତରଙ୍କ ପାଇଁ ମହିଳା ଜଣକ ବସ୍ ଭିତରେ ସୁରକ୍ଷିତ ଭାବେ ଏକ ସନ୍ତାନକୁ ଜନ୍ମ ଦେଇଛନ୍ତି। ପରେ ମହିଳା ଏବଂ ଶିଶୁ ଉଭୟଙ୍କୁ ଗୁଣପୁର ମେଡିକାଲକୁ ନିଆଯାଇଥିଲା।ଉଭୟ ମାଆ ଏବଂ ଶିଶୁ ସୁସ୍ଥ ଥିବା ସୂଚନା ମିଳିଛି। ତେବେ ପ୍ରସବ କରିଥିବା ମହିଳାଙ୍କ ଘର ପାରଳାଖେମୁଣ୍ଡିରେ ବୋଲି ଜଣାପଡିଛି। ସେପଟେ ଡାକ୍ତରଙ୍କ ଏଭଳି ମହାନତାକୁ ବିଭିନ୍ନ ମହଲରେ ସ୍ଵାଗତ କରାଯାଇଛି।
Comments are closed.