ଭୁବନେଶ୍ୱର: ନିକଟରେ ଚେନ୍ନାଇରେ ଶେଷ ହୋଇଥିବା ଦକ୍ଷିଣ ଏସୀୟ ଆଥଲେଟିକ୍ସ ଫେଡେରେସନ୍ ଜୁନିୟର ଚାମ୍ପିୟନଶିପ୍ରେ ଭାରତ ଭଲ ପ୍ରଦର୍ଶନ କରିଛି। ମୋଟ ୪୮ ଟି ପଦକ ସହ ଭାରତ ଏହି ପ୍ରତିଯୋଗିତାରେ ଟେବୁଲର ଶୀର୍ଷରେ ରହିଛି । ଓଡ଼ିଶାର ଯୁବ ଖେଳାଳିମାନେ ଭାରତର ଖାତାରେ ୫ଟି ପଦକ ଯୋଡ଼ିଛନ୍ତି।
ଓଡ଼ିଶାର ପ୍ରତୀକ ମହାରଣା, ଦୋଣ୍ଡାପତି ମରୁଟ୍ୟମ୍ ଜୟରାମ, ମହେନ୍ଦ୍ର ସାନ୍ତା, ସବିତା ଟପ୍ପୋ ଓ ଲକ୍ଷ୍ମୀ ପ୍ରିୟା କିସାନ ସାଫ୍ ଜୁନିୟର ଚାମ୍ପିୟନଶିପ୍ ରେ ଭାରତର ପ୍ରତିନିଧିତ୍ୱ କରିଥିଲେ। ସେମାନେ ୪ଟି ବ୍ୟକ୍ତିଗତ ଓ ୧ଟି ଦଳଗତ ଇଭେଣ୍ଟରେ ଭାରତର ପଦକ ତାଲିକାରେ ୪ଟି ରୌପ୍ୟ ଓ ଗୋଟିଏ କାଂସ୍ୟ ପଦକ ଯୋଡ଼ିଛନ୍ତି। ଅନ୍ତର୍ଜାତୀୟ ମଞ୍ଚରେ ସେମାନଙ୍କ ସଫଳତା ସେମାନଙ୍କ ଇଚ୍ଛାଶକ୍ତିକୁ ପ୍ରତିଫଳିତ କରୁଛି।
ବରଗଡ଼ର ଧୂଳି ମାଟି ଗଳିରେ ଡେଲିଭରି ଏକ୍ଜିକ୍ୟୁଟିଭ୍ ଭାବେ କାମ କରୁଥିବା ପ୍ରତୀକ ମହାରଣା କୋଭିଡ୍ ମହାମାରୀ ସମୟରେ ଜୀବନ ଓ ଭାଗ୍ୟ ସହ କଠିନ ପରିଶ୍ରମ କରିଥିଲେ। ଜଣେ ଦୌଡ଼କୁଦ ଭାବେ ବଡ଼ ହୋଇ ଦେଶ ପାଇଁ ଗୌରବ ଅର୍ଜନ କରିବାର ସ୍ୱପ୍ନ ଦେଖିଥିଲେ ମଧ୍ୟ ଜୀବନର କଠୋର ବାସ୍ତବତା ତାଙ୍କ ସ୍ୱପ୍ନକୁ ପଛକୁ ଠେଲି ଦେଇଥିଲା। ତେବେ ଓଡ଼ିଶା ସରକାରଙ୍କ ସହାୟତା ଓ ପ୍ରଶିକ୍ଷକଙ୍କ ମାର୍ଗଦର୍ଶନରେ ଏହି ବାଳକ ପୁଣି ଟ୍ରାକ୍କୁ ଫେରି ଆସି ସାଫ୍ ଜୁନିୟର ମ୍ୟାଚ୍ ପାଇଁ ଭାରତୀୟ ଦଳରେ ସ୍ଥାନ ପାଇବା ପାଇଁ କଠିନ ଅଭ୍ୟାସ କରିଥିଲେ ।
ଏହାପରେ ସେ ପୁରୁଷ ୨୦୦ ମିଟର ଜୁନିୟର ଓ ୪×୧୦୦ ମିଟର ରିଲେରେ ଭାରତ ପାଇଁ ଗୋଟିଏ ଦିନରେ ୨ଟି ରୌପ୍ୟ ପଦକ ଜିତି ଇତିହାସ ରଚିଥିଲେ। ସରକାରଙ୍କ ସମର୍ଥନରେ ସେ ଟ୍ରାକ୍ ରେ ପରିଶ୍ରମ ଜାରି ରଖିବେ ବୋଲି ସେ ଆଶା ବ୍ୟକ୍ତ କରିଛନ୍ତି। ଓଡ଼ିଶା ସରକାରଙ୍କ ନିରନ୍ତର ସହଯୋଗ ପାଇଁ ମୁଁ ଧନ୍ୟବାଦ ଜଣାଉଛି ଏବଂ ଏହା ଦ୍ୱାରା ଭବିଷ୍ୟତରେ ଆହୁରି ପଦକ ଜିତିପାରିବି ବୋଲି ମୁଁ ନିଶ୍ଚିତ ବୋଲି ପ୍ରତୀକ କହିଛନ୍ତି।
୧୯ ବର୍ଷୀୟ ଜୟରାମଙ୍କ ଜୀବନରେ ମଧ୍ୟ ଏହା ସହଜ ନଥିଲା। ଓଡ଼ିଶାର କଳାହାଣ୍ଡିର ବାସିନ୍ଦା, କ୍ରୀଡ଼ା ପ୍ରତି ଆଗ୍ରହ ଥିଲେ ମଧ୍ୟ ଉପଯୁକ୍ତ ପ୍ରଶିକ୍ଷଣ ଅଭାବରୁ ଜୟରାମ କ୍ରିକେଟ୍ ସମେତ ବିଭିନ୍ନ କ୍ରୀଡ଼ାକୁ ଆପଣେଇଥିଲେ । କିନ୍ତୁ ଓଡ଼ିଶା ସରକାରଙ୍କ ଏକ ଟ୍ୟାଲେଣ୍ଟ ସ୍କାଉଟ୍ କାର୍ଯ୍ୟକ୍ରମରେ ସେ ଯେତେବେଳେ ଜିଲ୍ଲା ସ୍ତରୀୟ ଟ୍ରାକ୍ ରେ ଦୌଡ଼ିଥିଲେ, ସେତେବେଳେ ତାଙ୍କ ଭାଗ୍ୟ ବଦଳି ଯାଇଥିଲା। ଓଡ଼ିଶା କ୍ରୀଡ଼ା ଓ ଯୁବସେବା ବିଭାଗ ସହଯୋଗରେ ସେ ଜଣେ ପଦକ ବିଜେତା ଓ ଟ୍ରାକ୍ ଆଣ୍ଡ ଫିଲ୍ଡ ଆଥଲେଟ୍ ଭାବେ ପରିଚିତ ହେବା ସହ ପ୍ରଥମ ସାଫ୍ ପ୍ରତିଯୋଗିତାରେ ଦେଶ ପାଇଁ ୨ଟି ପଦକ, ଗୋଟିଏ ରୌପ୍ୟ ଓ ଅନ୍ୟ ଏକ କାଂସ୍ୟ ପଦକ ଜିତିଛନ୍ତି।
ସାଫ୍ କ୍ରୀଡ଼ାରେ ଟିମ୍ ଓଡ଼ିଶା କୁ ମିଳିଥିବା ୫ଟି ପଦକ ମଧ୍ୟରୁ ୨ଟି ମହିଳା କ୍ରୀଡ଼ାବିତ୍ ରହିଛନ୍ତି। ଭାରତୀୟ ଦଳରେ ଶେଷ ମୁହୂର୍ତ୍ତରେ ସାମିଲ ହୋଇଥିବା ଓଡ଼ିଶାର ସବିତା ଟପ୍ପୋ ଓ ମହିଳା ୮୦୦ ମିଟର ବାଧାକ ଦୌଡ଼ରେ ଯଥାକ୍ରମେ ରୌପ୍ୟ ଓ କାଂସ୍ୟ ପଦକ ଜିତିଛନ୍ତି। ଉଭୟ ଓଡ଼ିଶାର ଆଦିବାସୀ ସମ୍ପ୍ରଦାୟର ହୋଇଥିବା ବେଳେ ତୃଣମୂଳସ୍ତରରୁ ଆଥଲେଟମାନଙ୍କୁ ଖୋଜିବା ଓ ବିକଶିତ କରିବା ପାଇଁ ଓଡ଼ିଶା ସରକାର ନେଇଥିବା ପଦକ୍ଷେପ ମାଧ୍ୟମରେ ଭାରତର ପ୍ରତିନିଧିତ୍ୱ କରିବା ସହ ପଦକ ଜିତିଛନ୍ତି।
ପ୍ରତିଯୋଗିତାରେ ନିଜର ବ୍ୟକ୍ତିଗତ ଶ୍ରେଷ୍ଠ ଟାଇମିଂ ସହ ଦୌଡ଼ିଥିବା ସବିତା ଟପ୍ପୋ କହନ୍ତି, ‘ଜଣେ ଆଥଲେଟ୍ ଭାବେ ମୋର ଏପର୍ଯ୍ୟନ୍ତ ଯାତ୍ରାରେ ଓଡ଼ିଶା ସରକାର ସବୁବେଳେ ସାହାଯ୍ୟ ଯୋଗାଇ ଆସିଛନ୍ତି । କ୍ରୀଡ଼ା ହଷ୍ଟେଲ କ୍ୟାଡେଟ୍ ରୁ ଆଥଲେଟିକ୍ସ ହାଇ ପରଫର୍ମାନ୍ସ ସେଣ୍ଟରକୁର ଯାତ୍ରା ଅତିକ୍ରମ କରି ଆସିଥିବା ସବିତା ବିଶ୍ୱାସ କରନ୍ତି ଯେ ସରକାରଙ୍କ ସମର୍ଥନ ତାଙ୍କୁ ଟ୍ରାକ୍ ଆଣ୍ଡ ଫିଲ୍ଡ କିମ୍ବଦନ୍ତୀ ହେବାରେ ସକ୍ଷମ କରିବ।
ପ୍ରଶିକ୍ଷକ ମାର୍ଟିନ୍ ଓଭେନ୍ସଙ୍କ ଦକ୍ଷ ତତ୍ତ୍ୱାବଧାନରେ ଡୋଣ୍ଡାପତି ମୃତ୍ୟାମ୍ ଜୟରାମ, ମହେନ୍ଦ୍ର ସାନ୍ତା, ସବିତା ଟପ୍ପୋ ଓ ଲକ୍ଷ୍ମୀ ପ୍ରିୟା କିଷାନ ଓଡ଼ିଶା ରିଲାଏନ୍ସ ଫାଉଣ୍ଡେସନ୍ ଆଥଲେଟିକ୍ସ ହାଇ ପରଫର୍ମାନ୍ସ ସେଣ୍ଟର, ପ୍ରତୀକ ମହାରଣା ରାଉରକେଲାବିର୍ସା ମୁଣ୍ଡା ଆଥଲେଟିକ୍ସ ଷ୍ଟାଡିୟମରେ ନିଜ ପ୍ରଶିକ୍ଷକ ସିବା ମିଶ୍ରଙ୍କ ଅଧୀନରେ ପ୍ରଶିକ୍ଷଣ ନେଉଛନ୍ତି।
ଏହି କ୍ରୀଡ଼ାବିତ୍ମାନେ ଜିତିଥିବା ପଦକ ନିଜର ବ୍ୟକ୍ତିଗତ ସାହସ ସହ ଓଡ଼ିଶା ସରକାରଙ୍କ ଦୂରଦୃଷ୍ଟିସମ୍ପନ୍ନ ପଦକ୍ଷେପର ଜ୍ୱଳନ୍ତ ପ୍ରମାଣ। ସରକାରଙ୍କ ତୃଣମୂଳ ସ୍ତରର ପ୍ରତିଭା ସନ୍ଧାନ, ପ୍ରୋତ୍ସାହନ ଓ ସାମଗ୍ରିକ ସହାୟତା କାର୍ଯ୍ୟକ୍ରମ ଏହି କ୍ରୀଡ଼ାବିତ୍ମାନଙ୍କୁ ରାଜ୍ୟ ତଥା ଦେଶ ପାଇଁ ଗୌରବ ଅର୍ଜନ କରିବାରେ ସକ୍ଷମ କରିଛି।
Comments are closed.