ଗୋପାଳପୁର: ଆମ୍ବପୁଆସ୍ଥିତ ସେଣ୍ଟ୍ରାଲ ସ୍କୁଲ ନିକଟରେ ଥିବା ଶାଗୁଆନ ଜଙ୍ଗଲରୁ ଶନିବାର ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ଗୋପାଳପୁର ପୁଲିସ। ସକାଳେ ଶାଗୁଆନ ଜଙ୍ଗଲରେ ଜଣେ ଯୁବକ ଏକ ଗଛରେ ପ୍ଲାଷ୍ଟିକ ରଶିରେ ଝୁଲୁଥିବା ସ୍ଥାନୀୟ ଲୋକେ ଦେଖିଥିଲେ। ଘଟଣା ବିଷୟରେ ଆମ୍ବପୁଆର ପୂର୍ବତନ କର୍ପୋରେଟର ଗୋପାଳ ରେଡିଙ୍କୁ ଲୋକେ ଖବର ଦେଇଥିଲେ। ଗୋପାଳଙ୍କ ପକ୍ଷରୁ ଗୋପାଳପୁର ଥାନାରେ ଘଟଣା ନେଇ ଲିଖିତ ଅଭିଯୋଗ କରାଯାଇଥିଲା। ଅଭିଯୋଗକୁ ଭିତ୍ତି କରି ପୁଲିସ ୨୫/୨୩ରେ ଏକ ଅପମୃତ୍ୟୁ ମାମଲା ରୁଜୁ କରିବା ସହ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ପରେ ବ୍ରହ୍ମପୁର ମେଡିକାଲକୁ ଶବ ବ୍ୟବଛେଦ ନିମନ୍ତେ ପଠା ଯାଇଥିଲା। ବ୍ୟବଛେଦ ପରେ ମୃତ ଯୁବକଙ୍କ ପରିଚୟ ମିଳି ନଥିବାରୁ ଶବଗୃହରେ ରଖାଯାଇଥିବା ପୁଲିସ କହିଛି। ଅନ୍ୟପଟେ ଗତ କିଛି ଦିନ ହେଲା ଯୁବକ ଜଣକ ଏହି ଅଞ୍ଚଳରେ ବୁଲାବୁଲି କରୁଥିବା ସହ କିଏ କଣ ଦେଲେ ଖାଇ ବଞ୍ଚି ରହୁଥିଲେ ବୋଲି ଶୁଣିବାକୁ ମିଳିଛି।
Comments are closed.