ନୂଆଦିଲ୍ଲୀ : ଲୋକସଭା ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳମାନଙ୍କ ତରଫରୁ ପ୍ରଚାର ଆରମ୍ଭ ହୋଇଛି। ଦଳମାନେ ଚିରାଚରିତ ଶୈଳୀରେ ପ୍ରଚାର କରିବା ସହ ଯୁଗ ସହ ତାଳ ଦେଇ ଡିଜିଟାଲ ମାଧ୍ୟମରେ ପ୍ରଚାରକୁ ପୂର୍ବାପେକ୍ଷା ଅଧିକ ଗୁରୁତ୍ବ ପ୍ରଦାନ କରୁଛନ୍ତି। ଭାରତରେ ଇଣ୍ଟରନେଟ୍ ବ୍ୟବହାରକାରୀଙ୍କ ସଂଖ୍ୟା ବଢ଼ୁଥିବାରୁ ରାଜନୈତିକ ଦଳମାନେ ସର୍ଚ୍ଚ ଇଞ୍ଜିନ ଗୁଗଲ ଜରିଆରେ ପ୍ରଚାର କରୁଥିବା ଦେଖିବାକୁ ମିଳୁଛି।
ମାର୍ଚ୍ଚ ୧ରୁ ଏପ୍ରିଲ ୯ ପର୍ଯ୍ୟନ୍ତ ବିଭିନ୍ନ ରାଜନୈତିକ ଦଳ ତରଫରୁ ବିଜ୍ଞାପନ ବାବଦରେ ଗୁଗଲକୁ ୫୨ କୋଟି ଟଙ୍କା ମିଳିଛି। ୨୦୧୯ରେ ଏହି ବାବଦକୁ ଗୁଗଲକୁ ୮.୮ କୋଟି ଟଙ୍କା ମିଳିଥିଲା। ଚଳିତ ନିର୍ବାଚନରେ ବିଜେପି ତରଫରୁ ଏପ୍ରିଲ ୯ ସୁଦ୍ଧା ଗୁଗଲରେ ୭୩ ହଜାରରୁ ଅଧିକ ବିଜ୍ଞାପନ ପ୍ରଦାନ କରାଯାଇଛି। ଯେଉଁଥିପାଇଁ ଗୁଗଲକୁ ବିଜେପି ଦେଇଛି ୮ କୋଟିରୁ ଅଧିକ ଟଙ୍କା। ୨୦୧୯ ନିର୍ବାଚନ ସମୟରେ ବିଜେପି ବିଜ୍ଞାପନ ବାବଦରେ ଗୁଗଲକୁ ୧.୫ କୋଟି ଟଙ୍କା ଦେଇଥିଲା। ଦ୍ବିତୀୟ ସ୍ଥାନରେ ଥିବା ଡିଏମ୍କେ ଗୁଗଲରେ ବିଜ୍ଞାପନ ପାଇଁ ୭.୯ କୋଟି ଟଙ୍କା ଦେଇଥିବା ବେଳେ ତୃତୀୟ ସ୍ଥାନରେ ଥିବା କଂଗ୍ରେସ ଏଥିପାଇଁ ୬.୮ କୋଟି ଟଙ୍କା ଖର୍ଚ୍ଚ କରି ସାରିଛି। ୟୁଟ୍ୟୁବ ଓ ବିଭିନ୍ନ ୱେବସାଇଟରେ ଗୁଗଲ ତରଫରୁ ରାଜନୈତିକ ଦଳମାନଙ୍କ ବିଜ୍ଞାପନ ପ୍ରଦର୍ଶନ କରୁଛି। ଆଗାମୀଦିନରେ ଗୁଗଲକୁ ଅଧିକ ସଂଖ୍ୟକ ବିଜ୍ଞାପନ ମିଳିବାର ଆଶା ରହିଛି।
Comments are closed.