ଜିଲାସ୍ତରୀୟ କ୍ରୀଡ଼ା ପ୍ରତିଯୋଗିତା: ଦୌଡ଼ରେ ବ୍ରୋଞ୍ଜ, ଲଙ୍ଗ୍ ଜମ୍ପରେ ରୌପ୍ୟ ହାସଲ କଲେ ସୁବ୍ରତ
ଗଞ୍ଜାମ: ବ୍ରହ୍ମପୁର ଡିଏଭି ସ୍କୁଲରେ ଅନୁଷ୍ଠିତ ଜିଲାସ୍ତରୀୟ କ୍ରୀଡ଼ା ପ୍ରତିଯୋଗିତାରେ ଗଞ୍ଜାମର ସୁବ୍ରତ କୁମାର ପାଢ଼ୀ ୧୦୦ ମିଟର ଦୌଡ଼ରେ ବ୍ରୋଞ୍ଜ ଏବଂ ଲଙ୍ଗଜମ୍ପରେ(୪.୨୦ମିଟର ) ରୌପ୍ୟ ପଦକ ହାସଲ କରିଛନ୍ତି। ଏହାକୁ ନେଇ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ମିଳିଛି। ୧୪ରୁ ୧୭ବର୍ଷ ବାଳକ ବିଭାଗରେ କ୍ରୀଡ଼ାରେ ସେ ଏହି ସଫଳତା ପାଇଛନ୍ତି। ଗଞ୍ଜାମ ଏନଏସି ବିଜେଡି ଯୁବ ସଭାପତି ସୁଧୀର କୁମାର ପାଢ଼ୀଙ୍କ ପୁଅ ସୁବ୍ରତ ଆଇଆରଇ ସ୍କୁଲରେ ଅଷ୍ଟମ ଶ୍ରେଣୀରେ ଅଧ୍ୟୟନରତ। ପୂର୍ବରୁ ସୁବ୍ରତ ଅଲ ଇଣ୍ଡିଆ ଏଥଲେଟିକ ଚମ୍ପିୟାନସିପରେ ଭାଗ ନେଇ ରୌପ୍ୟ ପଦକ ହାସଲ କରି ରାଜ୍ୟ, ଜିଲା ଓ ଗଞ୍ଜାମ ସହର ପାଇଁ ଗୌରବ ଆଣିଦେଇଥିଲେ। ସ୍କୁଲ କ୍ରୀଡା ଶିକ୍ଷକଙ୍କ ଉପଦେଶ ଜେଜେବାପା କାଶୀ ପାଢ଼ୀ, ପିତା ଓ ମାତା ସସ୍ମିତା ପାଢ଼ୀଙ୍କ ପ୍ରେରଣା ଯୋଗୁଁ ସେ ଏହି ସଫଳତା ପାଇଥିବା ସୁବ୍ରତ ଗଣମାଧ୍ୟମକୁ ସୂଚନା ଦେଇଛନ୍ତି। କ୍ରୀଡ଼ା ପ୍ରତି ତାଙ୍କର ଆଗ୍ରହ, ନିଜର ପରିଶ୍ରମ ତଥା ଗୁରୁଜନମାନଙ୍କ ପ୍ରେରଣା ତାଙ୍କୁ ଆଗାମୀ ଦିନରେ ଆହୁରି ଅଧିକ ଉତ୍ସାହ ଯୋଗାଇବ ବୋଲି ସେ ଆଶାବାଦୀ ଅଛନ୍ତି।
Comments are closed.