ଗଜପତି : ଗଜପତି ଜିଲାର ପୂର୍ବରୁ ଥିବା ରାମଗିରି ବିଧାନସଭା ତଥା ବର୍ତ୍ତମାନର ମୋହନା ବିଧାନସଭାର ପୂର୍ବତନ ବିଧାୟକ ଶ୍ରୀ ଭରତ ପାଇକଙ୍କ ଗତକାଲି ରାତ୍ରରେ ଦେହାନ୍ତ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୬୧ ବର୍ଷ ବୟସ ହୋଇଥିଲା। ସେ କିଛି ଦିନ ପୂର୍ବରୁ ସ୍ବାସ୍ଥ୍ୟ ଜନିତ ସମସ୍ୟା ପାଇଁ ଆନ୍ଧ୍ରପ୍ରଦେଶର ଶିକାକୁଲମରେ ଥିବା କିମସ୍ ହସ୍ପିଟାଲରେ ଚିକିତ୍ସିତ ହେଉଥିଲେ। ଚିକିତ୍ସା ପରେ ତାଙ୍କ ସ୍ବାସ୍ଥ୍ୟ ଅବସ୍ଥାରେ ଅବନତୀ ଘଟିଥିବା ଡ଼ାକ୍ତର କହିଥିଲେ। ପରେ ତାଙ୍କୁ ତାଙ୍କର ପାରଳାଖେମୁଣ୍ଡି ସ୍ଥିତ ବାସଭବନକୁ ଅଣାଯାଇଥିଲା। ସେଠାରେ ତାଙ୍କର ଦେହାନ୍ତ ହୋଇଥିଲା। ସ୍ୱର୍ଗତଃ ପାଇକ ଜଣେ ଦକ୍ଷ ରାଜନେତା ଭାବେ ବେଶ୍ ଜଣାଶୁଣା ଥିଲେ। ୨୦୦୪ ମସିହାରେ ସେ ରାମଗିରି ନିର୍ବାଚନ ମଣ୍ଡଳୀରୁ ବିଜେପି ବିଧାୟକ ଭାବେ ନିର୍ବାଚିତ ହୋଇଥିଲେ।
ଗଜପତି ଜିଲ୍ଲା ରାମଗିରି ନିର୍ବାଚନ ମଣ୍ଡଳୀର ପୂର୍ବତନ ବିଜେପି ବିଧାୟକ ତଥା ସମାଜସେବୀ ଭରତ ପାଇକଙ୍କ ବିୟୋଗରେ ରାଜ୍ୟ ସଭାପତି ଶ୍ରୀ ସମୀର ମହାନ୍ତି ଏବଂ ବିରୋଧୀ ଦଳ ନେତା ଶ୍ରୀ ପ୍ରଦୀପ୍ତ ନାଏକ ଗଭୀର ଶୋକ ପ୍ରକାଶ କରିବା ସହ ସ୍ୱର୍ଗତଃ ଆତ୍ମାର ସଦଗତି କାମନା କରିଛନ୍ତି।
Comments are closed.