ନୂଆଦିଲ୍ଲୀ : ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା କାର୍ଯ୍ୟକାରୀ କରିବା ପାଇଁ କେନ୍ଦ୍ର ସରକାର ରାଜ୍ୟଗୁଡ଼ିକୁ ପର୍ଯ୍ୟାପ୍ତ ଖାଦ୍ୟଶସ୍ୟ ଯୋଗାଇଦେଇଛନ୍ତି । ସରକାରଙ୍କ ପକ୍ଷରୁ କୁହାଯାଇଛି ଯେ ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା କାର୍ଯ୍ୟକାରୀ କରିବା ପାଇଁ ଭାରତୀୟ ଖାଦ୍ୟ ନିଗମ (ଏଫ୍ସିଆଇ) ଦେଶର ବିଭିନ୍ନ ରାଜ୍ୟକୁ ପର୍ଯ୍ୟାପ୍ତ
ପରିମାଣର ଖାଦ୍ୟଶସ୍ୟ ଯୋଗାଇ ଦେଇଛି ।
ଏହି ଯୋଜନା ଅଧୀନରେ ଜାତୀୟ ଖାଦ୍ୟ ସୁରକ୍ଷା ଆଇନର ହିତାଧିକାରୀମାନଙ୍କୁ ଆସନ୍ତା ୩ ମାସ ପାଇଁ ମାସକୁ ୫ କିଗ୍ରା. ଲେଖାଏଁ ଖାଦ୍ୟଶସ୍ୟ ମାଗଣାରେ ଯୋଗାଇ
ଦିଆଯାଉଛି । ଉତ୍ତରପ୍ରଦେଶ, ବିହାର, ତେଲଙ୍ଗାନା, ଆସାମ,ହିମାଚଳପ୍ରଦେଶ, ମେଘାଳୟ, ସିକିମ୍, ଉତ୍ତରାଖଣ୍ଡ, ମହାରାଷ୍ଟ୍ର, ଗୁଜରାଟ, ହରିଆଣା, କେରଳ ଏବଂ ମିଜୋରାମ ଆଦି ରାଜ୍ୟ ସରକାରଙ୍କ ପକ୍ଷରୁ ଏଫ୍ସିଆଇରୁ ଖାଦ୍ୟଶସ୍ୟ ସଂଗ୍ରହ କରାଯାଉଛି। କେନ୍ଦ୍ର ଉପଭୋକ୍ତା ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ଆସନ୍ତା
କିଛିଦିନ ମଧ୍ୟରେ ଅନ୍ୟ ରାଜ୍ୟଗୁଡ଼ିକ ଖାଦ୍ୟଶସ୍ୟ ସଂଗ୍ରହ କରି ବଣ୍ଟନ ଆରମ୍ଭ କରିବେ । ସାରା ଦେଶରେ ଜାରି ରହିଥିବା ଲକ୍ଡାଉନ ପରିପ୍ରେକ୍ଷୀରେ ଏଫ୍ସିଆଇ ନିରବଚ୍ଛିନ୍ନ କୋଭିଡ-୧୯ ବିରୋଧୀ ସଂଗ୍ରାମ ପାଇଁ ଗତ ୧୪ ଦିନ ଧରି ଲାଗିରହିଥିବା ଲକଡାଉନ ପରିପ୍ରେକ୍ଷୀରେ ଏଫ୍ସିଆଇ ଦୈନିକ ହାରାହାରି ଏକଲକ୍ଷ ୪୪ ହଜାର ଟନ୍ ଖାଦ୍ୟଶସ୍ୟ ବିଭିନ୍ନ ସ୍ଥାନରେପହଞ୍ଚାଉଛି। ଏହି ସମୟ ମଧ୍ୟରେ ମୋଟ୍ ୧୮ଲକ୍ଷ ଟନ୍ ଖାଦ୍ୟଶସ୍ୟ ଦେଶର ବିଭିନ୍ନ ଭାଗକୁ ପରିବହନ କରାଯାଇଛି ।
