କଟକ: ଅବହେଳିତ ଶିଶୁକନ୍ୟା ପରେ ଏବେ ସମାଜ ପାଇଁ ଅବହେଳିତ ହୋଇପଡିଛି ଶିଶୁପୁତ୍ର । ଆଜି ଏକ ଅଳିଆ ଗଦାରୁ ନବଜାତ ଶିଶୁ ପୁତ୍ରର ମୃତଦେହ ଉଦ୍ଧାର ହୋଇଛି । ଏଭଳି ଏକ ଅମାନବୀୟ ଘଟଣା କଟକ ଜିଲା ବାଙ୍କୀ ଥାନା ଅନ୍ତର୍ଗତ ବ୍ରହ୍ମପୁର ଗାଁରେ ଘଟିଛି । ଆଜି ସକାଳେ ଏକ ଅଳିଆ ଗଦାରୁ ମୃତ ନବଜାତ ଶିଶୁ ପୁତ୍ରଟି ପରିତ୍ୟକ୍ତ ଅବସ୍ଥାରେ ପଡିଥିବା ସ୍ଥାନୀୟଲୋକ ଦେଖିଥିଲେ । ତେବେ ଏହି ମୃତ ଶିଶୁପୁତ୍ରଟି କାହାର ଏବଂ କିଏ ଆଣି ଏଠାରେ ପିଙ୍ଗି ଚାଲି ଯାଇଛି ତାହା ଜଣାପଡିନାହିଁ ।
