ନୂଆଦିଲ୍ଲୀ : ଇ-କମର୍ସ ଓ୍ବେବସାଇଟ୍ ଫ୍ଲିପକାର୍ଟ ନିଜ ୟୁପିଆଇ ସେବା ଆରମ୍ଭ କରିଦେଇଛି । ଉପଭୋକ୍ତା ଏହା ଜରିଆରେ କ୍ୟୁଆର୍ କୋଡ୍ ସାହାଯ୍ୟରେ ପୈଠ କରିପାରିବେ, ବିଜୁଳି ବିଲ୍ ଭରିପାରିବେ ଏବଂ ମୋବାଇଲ ରିଚାର୍ଜ ଭଳି ଡିଜିଟାଲ ସେବା ବ୍ୟବହାର କରିପାରିବେ । କମ୍ପାନୀ ଏହା ଜରିଆରେ ପ୍ରଥମ ଅର୍ଡରରେ ୨୫ ଟଙ୍କା ରିହାତି ମଧ୍ୟ ଦେଉଛି ।
କମ୍ପାନୀ ଏଥିପାଇଁ ଆକ୍ସିସ୍ ବ୍ୟାଙ୍କ ସହିତ ଚୁକ୍ତି କରିଛି । କମ୍ପାନୀର ସୂଚନା ଅନୁସାରେ ଏହି ନୂଆ ସେବାର ଲାଭ ୫୦ କୋଟି ପଞ୍ଜୀକୃତ ଉପଭୋକ୍ତାଙ୍କ ସହିତ ୧୪ ଲକ୍ଷ ସେଲର୍ସ ପାଇପାରିବେ । ଏମିତି କରନ୍ତୁ ଆକ୍ଟିଭ୍…
- ସର୍ବପ୍ରଥମେ ନିଜ ସ୍ମାର୍ଟଫୋନରୁ ଫ୍ଲିପକାର୍ଟ ଆପ୍ ଖୋଲନ୍ତୁ
- ଏହା ପରେ ‘ସ୍କାନ୍ ଆଣ୍ଡ୍ ପେ’ ବିକଳ୍ପ ଉପରେ କ୍ଲିକ୍ କରନ୍ତୁ
- ଏଠାରେ ଆପଣ ‘ମାଇଁ ୟୁପିଆଇ’ ବିକଳ୍ପ ଚୟନ କରନ୍ତୁ
- ଏବେ ନିଜ ବ୍ୟାଙ୍କ ତଥ୍ୟ ଦିଅନ୍ତୁ
- ଏବେ ଆପଣଙ୍କ ତଥ୍ୟର ମେସେଜ୍ ଭେରିଫିକେସନ୍ ହେବ
- ଏହା ପରେ ନିଜ ଫ୍ଲିପକାର୍ଟ ୟୁପିଆଇ ଆକ୍ଟିଭେଟ୍ ହୋଇଯିବ
କହିରଖୁଛୁ ନିକଟରେ ଜୋମାଟୋ ମଧ୍ୟ ନିଜ ୟୁପିଆଇ ସେବା ଲଞ୍ଚ୍ କରିଥିଲା । ଏହା ବ୍ୟତୀତ ଟାଟା ନ୍ୟୁ, ମେକ୍ ମାଇଁ ଟ୍ରିପ୍ ଏବଂ ହ୍ବାଟ୍ସଆପ୍ ମଧ୍ୟ ୟୁପିଆଇ ସେବା ପୂର୍ବରୁ ଆରମ୍ଭ କରିସାରିଛନ୍ତି ।
Comments are closed.