ସମାଜ ଡିଜିଟାଲ ଡେସ୍କ: ତୃଣମୂଳ କଂଗ୍ରେସ ସାଂସଦ ମହୁଆ ମୈତ୍ରଙ୍କ ନାମରେ ଏକ ମାମଲା ରୁଜୁ ହୋଇଛି । ତାଙ୍କ ବିରୋଧରେ ପଶ୍ଚମବଙ୍ଗର କୃଷ୍ଣନଗର ପୁଲିସ ଷ୍ଟେସନରେ ମାମଲା ରୁଜୁ ହୋଇଥିବା ସୂଚନା ମିଳିଛି । ମାମଲଟି ଗତ ୨୮ଅଗଷ୍ଟରେ ଗୃହମନ୍ତ୍ରୀ ଅମିତ ଶାହଙ୍କ ବିଷୟରେ ବିବାଦୀୟ ମନ୍ତବ୍ୟ ଦେବା ସମ୍ପର୍କିତ ବୋଲି ଜଣାପଡିଛି । ଗୃହମନ୍ତ୍ରୀଙ୍କ ବିଷୟରେ ଏଭଳି ମନ୍ତବ୍ୟ ଦେବାକୁ ବିଜେପି ଘୃଣାପୂର୍ଣ୍ଣ ଏବଂ ହିଂସାତ୍ମକ ବୟାନ ବୋଲି କହିଛି ।
ସୂଚନା ଅନୁସାରେ ପଶ୍ଚିମବଙ୍ଗରେ ଅବୈଦ ଅନୁପ୍ରବେଶକୁ ନେଇ ପଚରାଯାଇଥିବା ପ୍ରଶ୍ନର ଉତ୍ତର ଦେବାକୁ ଯାଇ ମହୁଆ କହିଥିଲେ ଯେ ଯଦି ଭାରତ ସୀମାରେ କେହି ରକ୍ଷା କରିବାକୁ ନାହାଁନ୍ତି, ଅନ୍ୟ ଦେଶର ହଜାର ହଜାର ଲୋକ ପ୍ରତିଦିନ ଅନୁପ୍ରବେଶ କରୁଛନ୍ତି, ମା ଓ ଭଉଣୀ ଉପରେ ଖରାପ ଦୃଷ୍ଟି କପାଉଛନ୍ତି ଏବଂ ଆମ ଜମି ଛଢାଇ ନେଉଛନ୍ତି । ତେବେ ପ୍ରଥମେ ଗୃହମନ୍ତ୍ରୀଙ୍କ ମୁଣ୍ଡ କାଟି ଟେବୁଲ ଉପରେ ରଖି ଦେବା ଉଚିତ । ଗୃହମନ୍ତ୍ରୀ ଅମିତ ଶାହଙ୍କ ମୁଣ୍ଡ କାଟି ଟେବୁଲ ଉପରେ ରଖି ଦେବାକୁ କହିଛନ୍ତି ମହୁଆ । ଏଭଳି ବିବାଦୀୟ ବୟାନ ପରେ ଏବେ ମହୁଆ ବେଶ ଚର୍ଚ୍ଚାରେ ରହିଥିଲେ । କିନ୍ତୁ ଆଜି ତାଙ୍କ ନାମରେ ଥାନାରେ ଅଭିଯୋଗ ହୋଇଛି ।
