ନୂଆଦିଲ୍ଲୀ : ଭାରତରେ ପାର୍ବଣ ଋତୁରେ ସ୍ମାର୍ଟଫୋନ୍ ବିକ୍ରି ବଢିଛି । କାଉଣ୍ଟରପଏଣ୍ଟର ରିସର୍ଚ୍ଚ ଅନୁସାରେ ଦିପାବଳୀ ସୁଦ୍ଧା ଚଳିତ ବର୍ଷ ସାଢେ ୩ କୋଟିରୁ ଅଧିକ ଫୋନ୍ ବିକ୍ରି ଆଶା କରାଯାଉଛି । ଯାହା ପୂର୍ବ ଅପେକ୍ଷା ୩ ପ୍ରତିଶତ ଅଧିକ ଏବଂ ଦାମ୍ ଅନୁସାରେ ପୂର୍ବ ବର୍ଷ ଅପେକ୍ଷା ୯ ପ୍ରତିଶତ ଅଧିକ ହୋଇପାରେ ।
ବିଶେଷ ରୂପେ ଅଲ୍ଟ୍ରା-ପ୍ରିମିୟମ୍ ସେଗମେଣ୍ଟ(୪୫ ହଜାର ଟଙ୍କାରୁ ଅଧିକ)ରେ ୧୨ ପ୍ରତିଶତ ବୃଦ୍ଧି ଦେଖିବାକୁ ମିଳିଛି । ଅର୍ଥାତ୍ ସମସ୍ତେ ଦାମୀ ଫୋନ୍ ପସନ୍ଦ କରୁଛନ୍ତି । ଆପଲ, ସାମସଙ୍ଗ ଗ୍ରାହକଙ୍କ ପ୍ରଥମ ପସନ୍ଦ ପାଲଟୁଛି । ସାମସଙ୍ଗ ଏସ୍୨୩ ଓ ଆଇଫୋନ୍ ୧୫ ଦାମ୍ କମିଥିବାରୁ ଗ୍ରାହକ ଏହି ୨ ମଡେଲ ଅଧିକ କ୍ରୟ କରୁଛନ୍ତି । ଚଳିତ ବର୍ଷ ୨୬ ସେପ୍ଟେମ୍ବରରୁ ପାର୍ବଣ ଋତୁ ପାଇଁ ଫୋନ୍ ବିକ୍ରି ଆରମ୍ଭ ହୋଇଛି । ଦିପାବଳୀ ପର୍ଯ୍ୟନ୍ତ ବିକ୍ରି ଲଗାତର ଜାରି ରହିବ ବୋଲି ଆକଳନ କରାଯାଉଛି ।
