ପାଟଣା : ଗତ ୪ ଦିନ ହେଲା ୨୫ ଘରିଆ ଝାଡ଼ଖଣ୍ଡି ହାତୀ ପଲ ପାଟଣା ଓ କରଞ୍ଜିଆ ବନାଞ୍ଚଳ ଇଲାକାରେ ଲୁଚକାଳି ଖେଳିଲା ଭଳି ବିଚରଣ କରୁଛନ୍ତି। ଏହି ହାତୀ ପଲଙ୍କ ଦ୍ଵାରା ଏକର ଏକର ଧାନ ଚାଷ କ୍ଷତିଗ୍ରସ୍ତ ହୋଇଛି। ରୁଆ ତଳିକୁ ହାତୀ ପଲ ମାଡ଼ି ମକଚି ନଷ୍ଟ କରିବା ସହ ବୋଇତାଳୁ ବାଡ଼ି ନଷ୍ଟ କରିଛନ୍ତି। ଦିନ ବେଳା ଶହ ଶହ ଲୋକ ହାତୀ ପଲଙ୍କୁ ଚିଡ଼ାଉ ଥିବାରୁ ରାତି ହେଲେ ଏହି ହାତୀ ପଲ ପାଟଣା ବନାଞ୍ଚଳର ବିଭିନ୍ନ ଗ୍ରାମରେ ପଶି ଘର ଭାଙ୍ଗି ଚାଉଳ ବସ୍ତା ଟେକି ନେଇ ଖାଇ ଯାଉଥିବା ଦେଖାଯାଉଛି। ଦୁଇ ଦିନ ମଧ୍ୟରେ ଫୁଲପାହାଡି ଗ୍ରାମର କମଳାକାନ୍ତ ନାଏକ , ନରେନ୍ଦ୍ର ନାଏକ, ଲୁଲୁ ନାଏକ , ବନମାଳୀ ନାଏକଙ୍କ ଘର ହାତୀ ପଲ ଭାଙ୍ଗିବା ସହ ଖଡ଼ିକାପଦା ଗ୍ରାମର ହୃଦାନନ୍ଦ ମହାନ୍ତ ଓ ଡମ୍ବରୁଧର ମହାନ୍ତଙ୍କ ଘର ହାତୀ ଭାଙ୍ଗିବା ସହ କେତେକଙ୍କ ଘରୁ ଧାନ ଓ ଚାଉଳ ବସ୍ତା ଟେକି ଆଣି ଖାଇଛି। ଲୋକମାନେ ହାତୀ ପଲଙ୍କୁ ଜଙ୍ଗଲକୁ ଫେରିବା ସୁଯୋଗ ଦେଉନଥିବାରୁ ଘେରା ବନ୍ଦୀ ରେ ରହୁଥିବା ହାତୀ ପଲ ଦିନବେଳା ପନିପରିବା ଚାଷ ମଧ୍ୟ ନଷ୍ଟ କରୁଥିବା ଦେଖାଯାଉଛି।
Comments are closed.