ଧାମରା: ବାଂଶଡା ଥାନା ଅର୍ନ୍ତଗତ ଚରଦିଆ ପଞ୍ଚାୟତରେ ଓଡ଼ିଶା ପ୍ରଦେଶ କଂଗ୍ରେସ କମିଟିର ଆହ୍ୱାନକ୍ରମେ ଚରଦିଆ ପଞ୍ଚାୟତର କଂଗ୍ରେସ କମିଟିର ସଭାପତି ନିତ୍ୟାନନ୍ଦ ମାଇତିଙ୍କ ପ୍ରସ୍ତାବକ୍ରମେ ଦଳର ବରିଷ୍ଠ ନେତା କିଣୁରାମ ଜେନାଙ୍କ ସଭାପତିତ୍ୱରେ ଘରେ ଘରେ ହାତ, ଘରେ ଘରେ କଂଗ୍ରେସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ଚରଦିଆ ପଂଚାୟତରେ ଏକ ପଦଯାତ୍ରା ହୋଇଥିବା ସହ ଚରଦିଆ ବଜାରରୁ ବାହାରି ସମସ୍ତ ୱାର୍ଡ ପରିକ୍ରମା କରିବା ପରେ ଏକ ସଭା ଅନୁଷ୍ଠିତ ହୋଇଥିଲା। ଏହି ସଭାରେ କିପରି ଶାସକ ଦଳ ଚାନ୍ଦବାଲି ନିର୍ବାଚନ ମଣ୍ଡଳୀରେ ଅରାଜକତା ସୃଷ୍ଟି କରୁଛି ସେ ବିଷୟରେ ଉପସ୍ଥିତ ବକ୍ତାମାନେ ନିଜର ବକ୍ତବ୍ୟ ରଖିବା ସହ ଆଗାମୀ ନିର୍ବାଚନରେ କଂଗ୍ରେସରେ ସାମିଲ ହୋଇ ଦଳକୁ ମଜଭୁତ କରିବା ଜରୁରୀ ବୋଲି ମଧ୍ୟ ଆଲୋକପାତ କରିଥିଲେ। ଆଜିର ଏହି କାର୍ଯ୍ୟକ୍ରମରେ ଚାନ୍ଦବାଲି ନିର୍ବାଚନ ମଣ୍ଡଳୀ ନେତା ଅମୀୟ କୁମାର ମହାପାତ୍ର, ଦିଗମ୍ବର ଦାସ, ଯୁବ ନେତା ସତ୍ୟାନନ୍ଦ ରାଉତ, ଚାନ୍ଦବାଲି ବ୍ଲକ ସଭାପତି ବୈଲୋଚନ ପଣ୍ଡା, ଯୁବ ସଭାପତି ଶକ୍ତି ପ୍ରତାପ ବିଶ୍ୱାଳ, ସୋସିଆଲ ମିଡିଆ ଅଧ୍ୟକ୍ଷ ସୁବାଷ ଚନ୍ଦ୍ର ନାୟକ, ଖଗେଶ୍ୱର ଦାସ, ପ୍ରଦ୍ୱୀପ ଜେନା, ବିଷ୍ଣୁ ମହାଳିକ, ପୃଥ୍ୱୀରାଜ ନାୟକ, ରାମଚନ୍ଦ୍ର ଓଝା, କାଶି ମହାଳିକ, ପଦନ ମହାଳିକ, ସୀତାରମ ନାୟକ, ହରିଶ ଚନ୍ଦ୍ର ଜେନା, ରାଜେଶ ବେହେରା ପ୍ରମୁଖ ଯୋଗ ଦେଇଥିଲେ। ଆଜିର ଏହି କାର୍ଯ୍ୟକ୍ରମରେ ଚରଦିଆ ପଞ୍ଚାୟତର ୧୫ରୁ ଅଧିକ ପରିବାର ଅନ୍ୟ ଦଳରୁ ଆସି କଂଗ୍ରେସ ଦଳରେ ସାମିଲ ହୋଇଥିଲେ।
Comments are closed.