ମୁମ୍ବଇ : ଦିବଙ୍ଗତ୍ ବଲିଉଡ୍ ଅଭିନେତ୍ରୀ ଶ୍ରୀଦେବୀଙ୍କ ୪୦ବର୍ଷ ପୁରୁଣା ଚଳଚ୍ଚିତ୍ରରେ ବଲିଉଡ଼ ଅଭିନେତ୍ରୀ ଦୀପିକା ଅଭିନୟ କରିବେ ବୋଲି ଶୁଣିବାକୁ ମିଳୁଛି। ଚଳଚ୍ଚିତ୍ର ନାମ ବର୍ତ୍ତମାନ ସୁଦ୍ଧା ସ୍ଥିର କରାଯାଇ ନାହିଁ। ଶ୍ରୀଦେବୀଙ୍କ ଅଭିନୀତ ଏହି ଚଳଚ୍ଚିତ୍ରରେ ଜଣେ ଦକ୍ଷିଣ ଭାରତୀୟ ନିର୍ଦେଶନା ଦେଇଥିଲେ। ଦୀପିକାଙ୍କ ଏହି ଚଳଚ୍ଚିତ୍ରରେ ଜଣେ ବଲିଉଡ ପ୍ରଯୋଜକ ନିର୍ମାଣ କରିବେ ବୋଲି ସୂଚନା ମିଳିଛି। ମିଳିଥିବା ସୂଚନା ମୁତାବକ ନିର୍ଦେଶକ ଦୀପିକାଙ୍କୁ ହିଁ ପ୍ରଥମ ପସନ୍ଦ କରିଛନ୍ତି। ବର୍ତ୍ତମାନ ଏହି ପ୍ରସିଦ୍ଧ ଚଳଚ୍ଚିତ୍ରର ଲେଖାକୁ କିଣିବା ପାଇଁ କଥାବାର୍ତ୍ତା ଚାଲିଛି।
ପ୍ରକାଶ ଯେ ଦୀପିକା ବିଶାଲ ଭରତ୍ୱାଜଙ୍କ ଆଗାମୀ ଚଳଚ୍ଚିତ୍ର ଗ୍ୟାଙ୍ଗଷ୍ଟାରରେ ନଜର ଆସିବେ। ଅଭିନେତା ଇରଫାନ ଖାନଙ୍କ ସ୍ୱାସ୍ଥ୍ୟ ଖରାପ ରହିଥିବାରୁ ଏହି ଚଳଚ୍ଚିତ୍ର ସୁଟିଙ୍ଗ ବନ୍ଦ ରହିଛି।
