ଜେକେପୁର: ରାୟଗଡା ଜିଲ୍ଲା ଚାନ୍ଦିଲି ଥାନା ଅଧିନରେ ଆଜି ପୃଥକ ପୃଥକ ଦୁଇଟି ମୃତଦେହ ଉଦ୍ଧାର ହୋଇଛି । ଘଟଣାରୁ ପ୍ରକାଶ ଯେ ଚାନ୍ଦିଲି ଥାନା ଅଧିନ ସିଲଟିଗୁଡା ଜଳଭଣ୍ଡାରରେ ଗୋଟିଏ ମୃତ ଦେହ ଭାସୁଥିବାର ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେବାପରେ ଚାନ୍ଦିଲି ପୋଲିସ ଓ କୋଲନରା ଅଗ୍ନିଶମ ବାହିନୀର ମିଳିତ ଉଦ୍ୟମରେ ଶବକୁ ପାଣିରୁ ଉଦ୍ଧାର କରାଯାଇଛି । ଯୁବକ ଜଣକଙ୍କ ଦୁଇ ହାତରେ ତାଟୁ ଚିନ୍ନ ଥିବା ପୋଲିସ ପ୍ରକାଶ କରିଛି । ରାୟଗଡା ମଙ୍ଗଳା ମନ୍ଦିର ନିକଟରେ ତାଙ୍କ ଘର ଓ ମୃତ ବ୍ୟକ୍ତିଙ୍କ ନାମ ବି ଲଷ୍ମୀନାରାୟଣ ବୋଲି ପୋଲିସ ସୂତ୍ରରୁ ପ୍ରକାଶ । ଚାନ୍ଦିଲି ଥାନା କେଶ ନମ୍ବର ୧୩/୨୧ ରେ ଏକ ଅପମୁର୍ତ୍ତୃ ମାମଲା ରୂଜୁ କରି ଘଟଣାର ଅଧିକ ତଦନ୍ତ କରୁଥିବା ତଦନ୍ତକାରୀ ଅଫିସର ଭାସ୍କର ମାଣିଆ ପ୍ରକାଶ କରିଛନ୍ତି। ସେହିଭଳି ରାମବାବୁ ନାମକ ଜଣେ ୨୫ବର୍ଷୀୟା ଯୁବକର ମୃତଦେହ ସିଙ୍ଗାପୁର ଷ୍ଟେସନ ନିକଟ କୁରୁମପେଟା ରେଳ ଧାରଣାରୁ ଜିଆରପି ପୋଲିସ ଉଦ୍ଧାର କରିଛି । ରାମବାବୁର ଘର ଜେକେପୁର ବିସରୋଡ ସ୍ଥିତ ତୁଲସିଆମା ଲେନରେ ବୋଲି ଜଣାପଡିଛି।ଦୁଇଟି ଶବକୁ ରାୟଗଡା ମୁଖ୍ୟ ଚିକିତ୍ସାଳୟରେ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିବା ଜଣାପଡ଼ିଛି।
Comments are closed.