ଗଞ୍ଜାମ: ଗଞ୍ଜାମ ଏନଏସି ଅନ୍ତର୍ଗତ ଵାଲିସାହି ଗଣେଶ ପୂଜା କମିଟି ପକ୍ଷରୁ କୁନି ପିଲାମାନଙ୍କୁ ନେଇ ସନ୍ଧ୍ୟାରେ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଏନଏସି ଉପନଗରପାଳ ସୁରେନ୍ଦ୍ର କୁମାର ବାରିକ ଯୋଗ ଦେଇ ଏହାର ଶୁଭାରମ୍ଭ କରିଥିଲେ। ବିଦ୍ୟୁତ ବିଭାଗୀୟ ଅଧିକାରୀ ବଂଶୀଧର ନାୟକ, ପରିମଳ ବିଶେଷଜ୍ଞ ନରେନ୍ଦ୍ର ପୃଷ୍ଟି, ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ଥିଲେ। କୁନି ପିଲାମାନଙ୍କୁ ନେଇ ନୃତ୍ୟ ପ୍ରତିଯୋଗିତା ହୋଇଥିଲା। ନୃତ୍ୟ ପ୍ରତିଯୋଗିତାରେ ଶ୍ରୀୟା ନାୟକ(୬) ପ୍ରଥମ, ହରପ୍ରିୟା ନାୟକ(୬) ଦ୍ଵିତୀୟ ଏବଂ ଲବଲି ନାୟକ ତୃତୀୟ ସ୍ଥାନ ଅଧିକାର କରିଥିଲେ। କୃତୀ ପ୍ରତିଯୋଗୀମାନଙ୍କୁ ମୁଖ୍ୟଅତିଥି ପୁରସ୍କୃତ ପ୍ରଦାନ କରିଥିଲେ। ଏହାକୁ ଜଗବନ୍ଧୁ ଦାସ, ସୁରେନ୍ଦ୍ର ନାୟକ, ଝୁନା ନାୟକ, ବୁବୁ ନାୟକ, ଲୋକନାଥ ନାୟକ, ସନ୍ତୋଷ ନାୟକ, ଦୁର୍ଗା ନାୟକଙ୍କ ସମେତ ଅନ୍ୟମାନେ ପରିଚାଳନା କରିଥିଲେ।
Comments are closed.