ସମାଜ ଲାଇଭ ଡ଼େସ୍କ : ଦକ୍ଷିଣ ଭାରତରେ ବାତ୍ୟା ଡିଟୱା ପ୍ରଭାବରେ ପ୍ରବଳ ବର୍ଷା ଏବଂ ବନ୍ୟା ହୋଇଥିବା ସୂଚନା । ବାତ୍ୟା ପ୍ରଭାବରେ ଶ୍ରୀଲଙ୍କାରେ ୧୨୩ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦୦ ରୁ ଅଧିକ ଏପର୍ଯ୍ୟନ୍ତ ନିଖୋଜ ଅଛନ୍ତି । ଡିଟୱା ନଭେମ୍ବର ୩୦ ସୁଦ୍ଧା ଉତ୍ତର-ଉତ୍ତରପଶ୍ଚିମ ଦିଗରେ ଗତି କରି ଉତ୍ତର ତାମିଲନାଡୁ, ପୁଡୁଚେରୀ ଏବଂ ସଂଲଗ୍ନ ଦକ୍ଷିଣ ଆନ୍ଧ୍ର ଉପକୂଳ ନିକଟରେ ଦକ୍ଷିଣ-ପଶ୍ଚିମ ବଙ୍ଗୋପସାଗର ଉପରେ ପହଞ୍ଚିବାର ସମ୍ଭାବନା ରହିଛି, ବୋଲି ଭାରତ ପାଣିପାଗ ବିଭାଗ (ଆଇଏମଡି) କହିଛି । ଆଗାମୀ ୪୮ ଘଣ୍ଟା ମଧ୍ୟରେ ବାତ୍ୟା ପ୍ରଭାବରେ ଅତି ପ୍ରବଳ ବର୍ଷା ଏବଂ ପ୍ରବଳ ପବନ ହେବାର ଆଇଏମଡି ପୂର୍ବାନୁମାନ କରିଛି । ଏହାକୁ ଦୃଷ୍ଟିରେ ରଖି ତାମିଲନାଡୁ ସରକାର ଅନେକ ଜିଲାକୁ ରେଡ ଆଲର୍ଟ ଜାରି କରିଛନ୍ତି । ଚେନ୍ନଇ ବିମାନବନ୍ଦର କର୍ତ୍ତୃପକ୍ଷ ୫୪ଟି ନିର୍ଦ୍ଧାରିତ ବିମାନ ଉଡ଼ାଣ ବାତିଲ କରିଛନ୍ତି । ତାମିଲନାଡୁରେ ପ୍ରବଳ ବର୍ଷା ସତର୍କତା ଯୋଗୁଁ ଅନେକ ସ୍କୁଲ ବନ୍ଦ ରଖାଯାଇଛି । ଏହାରି ମଧ୍ୟରେ ଭାରତରୁ ଆଇଏନଏସ ବିକ୍ରାନ୍ତ ଏବଂ ଆଇଏନଏସ ଉଦୟଗିରି ରେ ଯାଇଥିବା ରିଲିଫ ସାମଗ୍ରୀ କଲମ୍ବୋରେ ଶ୍ରୀଲଙ୍କା ସରକାରଙ୍କୁ ହସ୍ତାନ୍ତର ହୋଇଥିବା ବୈଦେଶିକ ବ୍ୟାପାର ମନ୍ତ୍ରୀ ଜୟଶଙ୍କର ସାମାଜିକ ଗଣମାଧ୍ୟମରେ ଜଣାଇଛନ୍ତି ।
Popular Categories
Previous article
Next article