ଚାନ୍ଦିପୁଟ: ଗଜପତି ରା ଉଦୟଗିରି ଥାନା ଅନ୍ତର୍ଗତ ମକାପଦା ଛକରେ ଆଜି ଦୁଇ ବାଇକ୍ ମୁହାଁମୁହିଁ ଧକ୍କା ଫଳରେ ଦୁଇ ଜଣଙ୍କ ମୃତ୍ୟୁ ଘଟିଛି। ମୃତକ ଦୁଇ ଜଣ ହେଲେ ଛେଳିଗଡ଼ ଗ୍ରାମର କାହ୍ନୁ ସାମନ୍ତରା(୨୮) ଓ ଲୁହାଙ୍ଗର ଗ୍ରାମର ରଙ୍ଗନାଥ ଦଳବେହେରା (୪୫) । କାହ୍ନୁ ପେସାରେ ଜଣେ ଡ୍ରାଇଭର୍ ଥିଲେ। ଆଜି କାହ୍ନୁ ଛେଳିଗଡ ଠାରୁ ମହେନ୍ଦ୍ରଗଡ ଅଭିମୁଖେ ବୁଲେଟ୍ ଗାଡ଼ି ଯୋଗେ ଆସୁଥିବା ବେଳେ ବିପରିତ ଦିଗରୁ ସେରଙ୍ଗ ଥାନା ଅନ୍ତର୍ଗତ ଲୁହାଙ୍ଗର ଗ୍ରାମର ରଙ୍ଗନାଥ ଦଳବେହେରା ମହେନ୍ଦ୍ରଗଡ଼ରୁ ଅନ୍ୟ ଏକ ବାଇକ୍ ଯୋଗେ ନିଜ ଗାଁ ଅଭିମୁଖେ ଯାଉଥିଲେ ।
ତେବେ ମକାପଦା ଛକ ନିକଟରେ ଦୁହିଁଙ୍କ ବାଇକ ମୁହାଁମୁହିଁ ଧକ୍କା ହେବାରୁ ଘଟଣା ସ୍ଥଳରେ ରଙ୍ଗନାଥଙ୍କ ମୃତ୍ୟୁ ଘଟିଥିଲା ଏବଂ ଦୂର୍ଘଟଣା ସ୍ଥଳରେ ଛଟପଟ ହେଉଥିବା କାହ୍ନୁକୁ ସ୍ଥାନୀୟ ଲୋକେ ଗୁରୁତର ଅବସ୍ଥାରେ ଉଦ୍ଧାର କରି ଗୋଟିଏ କାର ଯୋଗେ ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ ତେବେ କାହ୍ନୁ କୁ ଚିକିତ୍ସାଧିନ ଅବସ୍ଥାରେ ଡାକ୍ତର କେ ନରେସ ରେଡ୍ଡୀ ମୃତ ଘୋଷଣା କରିଥିଲେ। ଅନ୍ୟ ପକ୍ଷରେ ଦୁର୍ଘଟଣା ଗ୍ରସ୍ତ ରଙ୍ଗନାଥକୁ ଆମ୍ବୁଲେନ୍ସ ଯୋଗେ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ତାଙ୍କୁ ମଧ୍ୟ ଡାକ୍ତର ମୃତ୍ୟୁ ଘୋଷଣା କରିଛନ୍ତି। କାହ୍ନୁ ପେଶାରେ ଉତ୍ତମ ଡ୍ରାଇଭର ଥିଲେ, ତାଙ୍କ ଅକାଳ ବିୟୋଗରେ ସମଗ୍ର ଅଞ୍ଚଳରେ ଦୁଃଖର ଛାୟା ଖେଳିଯାଇଛି। ଜାତୀୟ ରାଜପଥ ରେ ଘଟିଥିବା ଦୁର୍ଘଟଣା ସ୍ଥାନରେ ଖାଲ ଢେପ ଭାବେ ରାସ୍ତା ନିର୍ମାଣ ହୋଇଥିବା ଯୋଗୁଁ ବାରମ୍ବାର ଉକ୍ତ ସ୍ଥାନରେ ଦୁର୍ଘଟଣା ଘଟି ବହୁ ଧନ ଜୀବନ ହାନି ଘଟୁଛି।
Comments are closed.