ଚୌଦ୍ୱାର : ଚୌଦ୍ୱାର ମଣ୍ଡଳ ବିଜେପି ତରଫରୁ ‘ଗାଁ ଗାଁ ଚାଲ ଘର ଘର ଚାଲ’ ଅଭିଯାନ କାର୍ଯ୍ୟକ୍ରମ ରବିବାର ଠାରୁ ଆରମ୍ଭ ହୋଇଛି। ଓବିସି ମୋର୍ଚ୍ଚା ମଣ୍ଡଳ ସଭାପତି ପ୍ରକାଶ ସାହୁଙ୍କ ଅଧ୍ୟକ୍ଷତାରେ ପାଇକେରାପୁର ଗ୍ରାମରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମରେ ରାଜ୍ୟ ଓବିସି ମୋର୍ଚ୍ଚା ସାଧାରଣ ସଂପାଦକ ଜ୍ଞାନେନ୍ଦ୍ର ସ୍ୱାଇଁ ଅତିଥି ଭାବେ ଯୋଗଦେଇ ପାଇକରାପୁର ବାରିକ୍ ସାହି, ତେଲି ସାହି ଓ ଗୋପାଳ ସାହି ଆଦି ଭ୍ରମଣ କରି ପ୍ରଧାନମନ୍ତ୍ରୀଙ୍କ ଜନକଲ୍ୟାଣ ଯୋଜନା ସମ୍ପର୍କରେ ବୁଝାଇବା ସହ ରାଜ୍ୟ ସରକାର ଓବିସି ମାନଙ୍କ ପ୍ରତି କରିଥିବା ପକ୍ଷପାତିତା ବିଷୟରେ ଘରକୁଘର ଯାଇ ଲୋକମାନଙ୍କୁ ସଚେତନ କରାଇଥିଲେ। ମଣ୍ଡଳ ସଭାପତି ନିଗମ ପ୍ରସାଦ ସାହୁ, ବସନ୍ତ ଦାସ, ଲକ୍ଷ୍ମୀନାରାୟଣ ସାହୁ, ଚନ୍ଦନ ନାୟକ, ଧୀରଞ୍ଜନ ସାହୁ, ହେମଲତା ସାହୁ, ପ୍ରମିଳା ସାହୁ, ସୁକାନ୍ତ ପ୍ରଧାନ, ଚକ୍ରଧର ବରାଳ, ରାକେଶ ସ୍ୱାଇଁ, ଶଙ୍କର ବେହେରା, ମାୟାଧର ସ୍ୱାଇଁଙ୍କ ସମେତ ବହୁ କାର୍ଯ୍ୟକର୍ତ୍ତା ଏଥିରେ ସାମିଲ ହୋଇଥିଲେ।
Comments are closed.