ସମାଜ ଡିଜିଟାଲ ଡେସ୍କ: ଦକ୍ଷିଣ ଆଫ୍ରିକା ବିପକ୍ଷରେ ଦିନିକିଆ ଏବଂ ଟି-୨୦ ସିରିଜ୍ ପାଇଁ ଖୁବଶୀଘ୍ର ଟିମ୍ ଇଣ୍ଡିଆ ଖେଳାଳିଙ୍କ ନାମ ଘୋଷଣା କରାଯିବ । ଶୁଭମନ ଗିଲ୍ ଦିନିକିଆ ସିରିଜରୁ ବାଦ ପଡିଛନ୍ତି, ଏବଂ ଟି-୨୦ରେ ତାଙ୍କର ଅଂଶଗ୍ରହଣ ମଧ୍ୟ ଅସମ୍ଭବ ମନେ ହେଉଛି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ ଗିଲ୍ଙ୍କ ଅନୁପସ୍ଥିତିରେ କେଏଲ ରାହୁଲଙ୍କୁ ଦଳର ନେତୃତ୍ୱ ଦାୟିତ୍ୱ ଦିଆଯାଇପାରେ । ଅର୍ଥାତ କେଏଲ ରାହୁଲ ଦିନିକିଆ ମ୍ୟାଚ ପାଇଁ ଅଧିନାୟକ ହୋଇପାରନ୍ତି ।
ଏହା ସହିତ, ଦଳ ଏହି ସିରିଜରେ ଶ୍ରେୟସ ଆୟରଙ୍କୁ ମଧ୍ୟ ସୁଯୋଗ ଦେବନାହିଁ, କାରଣ ଅଷ୍ଟ୍ରେଲିଆ ବିପକ୍ଷ ମ୍ୟାଚରେ କ୍ୟାଚ ବେଳେ ସେ ଆହତ ହୋଇ ଚିକିତ୍ସିତ ହେଉଛନ୍ତି । ଚତୁର୍ଥ ନମ୍ବରରେ ଆୟରଙ୍କ ସ୍ଥାନରେ ରିଷଭ ପନ୍ତଙ୍କୁ ସ୍ଥାନ ଦିଆଯାଇପାରେ । ପନ୍ତ ବହୁତ ଦିନ ଧରି ଓଡ଼ିଆଇ ଦଳରୁ ବାହାରେ ଅଛନ୍ତି । ଏହାସହିତ ବଡ କଥା ହେଉଛି ଯଶସ୍ୱୀ ଜୟସ୍ୱାଲ ଗିଲ୍ଙ୍କ ସ୍ଥାନରେ ରୋହିତଙ୍କ ସହ ଓପନିଂ କରିପାରନ୍ତି । ଦଳରେ ତିଲକ ବର୍ମାଙ୍କୁ ସାମିଲ କରିବାକୁ ଚର୍ଚ୍ଚା ହେଉଛି । ସାଉଥ ଆଫ୍ରିକା ବିପକ୍ଷରେ ତିନି ମ୍ୟାଚ ବିଶିଷ୍ଟ ଓଡିଆଇ ସିରିଜ ଆସନ୍ତା ୩୦ରୁ ଆରମ୍ଭ ହେବ ।
