ଲିଗ୍ : ବେଲ୍ଜିୟମ୍ର ସୀମାନ୍ତ ନଗରୀ ଲିଗ୍ରେ ମଙ୍ଗଳବାର ଜଣେ ଅଜଣା ବନ୍ଧୁକଧାରୀର ଗୁଳିରେ ଦୁଇ ଜଣ କର୍ତ୍ତବ୍ୟରତ ପୁଲିସ କର୍ମଚାରୀ ଓ ଜଣେ ସାଧାରଣ ନାଗରିକ ପ୍ରାଣ ହରାଇଛନ୍ତି। ସେ ଜଣେ ପଥଚାରୀ ମହିଳାଙ୍କୁ କାବୁ କରିନେଇ ଆଖିବୁଜା ଗୁଳି ଚଳାଇବାରେ ଦୁଇ ଜଣ ପୁଲିସ କର୍ମଚାରୀ ଓ କିଛି ପଥଚାରୀ ମଧ୍ୟ ଗୁରୁତର ଆହତ ହୋଇଛନ୍ତି। ତେବେ ପୁଲିସର ପାଲଟା ଗୁଳିଚାଳନାରେ ସମ୍ପୃକ୍ତ ବନ୍ଧୁକଧାରୀର ମୃତ୍ୟୁ ଘଟିଛି। ଗୁଳି ଚଳାଇବାବେଳେ ସମ୍ପୃକ୍ତ ଯୁବକ ‘ଆଲ୍ଲା ହୋ ଆକବର’ ବୋଲି ଚିତ୍କାର କରୁଥିବାରୁ ତାର ଇସ୍ଲାମିକ ଆତଙ୍କବାଦ ସହିତ ସମ୍ପର୍କ ଥିବା ପୁଲିସ ସନ୍ଦେହ କରୁଛି। ଜାତୀୟ ଆତଙ୍କବାଦ ନିରୋଧ ବିଭାଗ ଘଟଣାର ତଦନ୍ତ ଆରମ୍ଭ କରିଛି। ୨୦୧୧ରେ ଜର୍ମାନୀ ସୀମାକୁ ଲାଗିଥିବା ଓ ଅଧିକାଂଶ ଫରାସୀ ଭାଷାଭାଷୀ ବାସ କରୁଥିବା ଏହି ଶିଳ୍ପ ନଗରୀରେ ଜଣେ ଉଲଗ୍ନ ଯୁବକ ଆଖିବୁଜା ଗୁଳି ଚଳାଇବାରେ ୪ ଜଣ ପ୍ରାଣ ହରାଇଥିଲେ ଓ ପ୍ରାୟ ୧୦୦ ଲୋକ ଆହତ ହୋଇଥିଲେ।
