ଭୁବନେଶ୍ବର : କରୋନା ସଂକ୍ରମଣ ଜନିତ ଲକଡାଉନ ଯୋଗୁ ରାଜ୍ୟରେ ଅଣୁ, କ୍ଷୁଦ୍ର ଓ ମଧ୍ୟମ ଶିଳ୍ପ(ଏମଏସଏମଇ) ବିଶେଷ ପ୍ରଭାବିତ ହୋଇଛି। ଏହାକୁ ମୁଖ୍ୟସ୍ରୋତକୁ ଆଣିବାକୁ କେନ୍ଦ୍ରର ସହଯୋଗ ଲୋଡିଛି ଓଡିଶା। ଏହି କ୍ଷେତ୍ର ପାଇଁ ଓଡିଶାକୁ ସ୍ବତନ୍ତ୍ର ପ୍ୟାକେଜ ଦେବାକୁ ଏମଏସଏମଇ ମନ୍ତ୍ରୀ କ୍ୟାପ୍ଟେନ ଦିବ୍ୟଶଙ୍କର ମିଶ୍ର ଦାବି କରିଛନ୍ତି। କ୍ୟାପ୍ଟେନ ମିଶ୍ର ଏ ନେଇ କେନ୍ଦ୍ର ଏମଏସଏମଇ ମନ୍ତ୍ରୀ ପ୍ରତାପ ଚନ୍ଦ୍ର ଷଢ଼ଙ୍ଗୀ, ସାର ଓ ରସାୟନ ମନ୍ତ୍ରୀ ସଦାନନ୍ଦ ଗୌଡ, ଇସ୍ପାତ ରାଷ୍ଟ୍ରମନ୍ତ୍ରୀ ଫଗନ ସିଂ କୁଲସ୍ତେ, କୋଇଲା ମନ୍ତ୍ରୀ ପିୟୁଷ ଗୋଏଲ ଓ ଭାରୀ ଶିଳ୍ପମନ୍ତ୍ରୀ ଅର୍ଜୁନ ରାମ ମେଘୱାଲଙ୍କ ସହ ଫୋନ ଯୋଗେ ଆଲୋଚନା କରିଛନ୍ତି। କରୋନା ଯୋଗୁ ଏମଏସଏମଇ କ୍ଷେତ୍ର ବିଶେଷ ପ୍ରଭାବିତ ହୋଇଛି। ରାଜ୍ୟରେ ନିଯୁକ୍ତି କ୍ଷେତ୍ରରେ କ୍ଷୁଦ୍ର ଓ ମଧ୍ୟମ ଶିଳ୍ପର ଗୁରୁତ୍ବପୂର୍ଣ୍ଣ ଭୂମିକା ରହିଥିବାରୁ ଏହି କ୍ଷେତ୍ରକୁ ମୁଖ୍ୟସ୍ରୋତକୁ ଅଣାଯିବା ଦରକାର। ଏ ଦିଗରେ କେନ୍ଦ୍ରର ସହଯୋଗ ସେ କାମନା କରିଥିଲେ। ଆଲୋଚନା ସୌହାର୍ଦ୍ଦ୍ୟପୂର୍ଣ୍ଣ ଥିଲା ଓ ସହଯୋଗ ମିଳିବ ବୋଲି କ୍ୟାପ୍ଟେନ ମିଶ୍ର ଆଶା ପ୍ରକାଶ କରିଛନ୍ତି।
କ୍ଷୁଦ୍ର ଓ ମଧ୍ୟମ ଶିଳ୍ପକୁ ମୁଖ୍ୟସ୍ରୋତକୁ ଆଣିବାକୁ କେନ୍ଦ୍ରର ସହଯୋଗ ଲୋଡିଲା ଓଡିଶା
Popular Categories
Previous article
Next article