ଭୁବନେଶ୍ୱର : ମହିଳାଙ୍କୁ କାଠ ଫାଳିଆରେ ଆକ୍ରମଣ ଅଭିଯୋଗରେ ବାଲିଅନ୍ତା ଥାନା ପୁଲିସ ଜଣେ ଅଭିଯୁକ୍ତକୁ ଗିରଫ କରି ଅଦାଲତ ଚାଲାଣ କରିଛି। ଗିରଫ ଅଭିଯୁକ୍ତ ହେଲା ଭୁବନପୁର ବସ୍ତିର ବାବୁଲି ପାତ୍ର।
ରବିବାର ରାତିରେ ଅଭିଯୁକ୍ତ ବାବୁଲି ଓ ତାଙ୍କ ଝିଅ ଅଭିଯୋଗକାରୀଙ୍କ ପରିବାର ମଧ୍ଯରେ ଝଗଡ଼ା ହୋଇଥିଲା। ଏହାକୁ ଅଭିଯୋଗକାରୀ ଏବଂ ତାଙ୍କ ଶାଶୂ ବିରୋଧ କରିବାରୁ ସେମାନେ ଉତ୍କ୍ଷିପ୍ତ ହୋଇ କାଠ ଫାଳିଆରେ ଉଭୟଙ୍କୁ ଆକ୍ରମଣ କରିଥିଲେ। ଫଳରେ ଅଭିଯୋଗକାରୀଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା ବେଳେ ଶାଶୂ ମଧ୍ଯ ଆହତ ହୋଇଥିଲେ। ସ୍ଥାନୀୟ ଲୋକେ ଉଭୟଙ୍କୁ ଘଟଣାସ୍ଥଳରୁ ଉଦ୍ଧାର କରି ଏକ ଘରୋଇ ଚିକିତ୍ସାଳୟକୁ ଇଥିଲେ । ଏ ନେଇ ଥାନାରେ ଲିଖିତ ଅଭିଯୋଗ ପରେ ପୁଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଥିଲା।
ପୁଲିସ ସୂଚନା ମୁତାବକ, ଅଭିଯୋଗକାରୀ ପୂଜା ପାତ୍ର ଓ ଅଭିଯୁକ୍ତ ଗୋଟିଏ ଗାଁରେ ରୁହନ୍ତି। ଉଭୟଙ୍କ ମଧ୍ୟରେ ଜମିଜମାକୁ ନେଇ ପୂର୍ବରୁ ବିବାଦ ଲାଗି ରହିଥିବାବେଳେ ଏହି ଘଟଣା ଥାନାରେ ପହଞ୍ଚିଥିଲା।
Comments are closed.