ପାଟଣା : ସାହାରପଡା ବ୍ଲକ ଅନ୍ତର୍ଗତ ଖଜିରାପାଟ ଗ୍ରାମ ପଂଚାୟତର ଏକ ମାତ୍ର ଉଚ୍ଚ ବିଦ୍ୟାଳୟ ଦୁଆଘାଟ ଉଚ୍ଚ ବିଦ୍ୟାଳୟଟି ବ୍ଲକ ଗ୍ରାଣ୍ଟ ବିଦ୍ୟାଳୟ ଭାବେ ରହିଛି । ଗତବର୍ଷ ସରକାର ୫-ଟି ଅନୁଦାନରେ ଆଉ ଗୋଟିଏ କ୍ଲାସ ରୁମ ନିର୍ମାଣ ସହିତ ପୁରୁଣା ଘର ଗୁଡିକ ମଧ୍ୟ ମରାମତି କରାଯାଇଛି । ଆଉ କିଛି କାମ ବାକି ରହିଛି । ଉକ୍ତ ବିଦ୍ୟାଳୟରେ ଥିବା ନଳକୂପଟିରୁ ପାଣି ବାହାରୁ ନାହିଁ । ଫଳରେ ମଧ୍ୟାହ୍ନ ଭୋଜନ ରୋଷେଇ ପାଇଁ ଛାତ୍ରଛାତ୍ରୀଙ୍କ ପାନୀୟ ନିମନ୍ତେ ଜଳର ଘୋର ଅସୁବିଧା ହେଉଛି । ପୂର୍ବରୁ ପ୍ରାଥମିକ ବିଦ୍ୟାଳୟର ନଳକୂପରୁ ପାଣି ଆଣି ବ୍ୟବହାର ହେଉଥିଲା । ମାତ୍ର ସେଠାରେ ଏବେ ପାଚେରୀ ହୋଇ ଯିବାରୁ ଆଉ ପାଣି ଆଣିବା ସମ୍ଭବ ହେଉନାହିଁ । ତେଣୁ ବାଧ୍ୟ ହୋଇ ପାଣି ଟ୍ୟାଙ୍କର କିଣି ପାନୀୟ ଜଳ ନିମନ୍ତେ ବ୍ୟବହାର କରିବାକୁ ପଡୁଛି ବୋଲି ଶିକ୍ଷକ ବସନ୍ତ କୁମାର ମହାନ୍ତ କହିଛନ୍ତି । ସରକାର ପାଣି ବିଦ୍ୟାଳୟର ସମସ୍ୟା ଦୂର କରିବାକୁ ସାଧାରଣରେ ଦାବି ହେଉଛି ।
Comments are closed.