ପାଟଣା : ପାଟଣା ଥାନା ଅଞ୍ଚଳ ସାହାରପଡା ଫାଣ୍ଡି ଅନ୍ତର୍ଗତ ହରିଡ଼ାଗୋଠ ଗ୍ରାମ ନିକଟରେ ଗତକାଲି ବିଳମ୍ବିତ ସନ୍ଧ୍ୟାରେ ଏକ ବାଇକ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେବାରୁ ଚାଳକର ମୃତ୍ୟୁ ଘଟିଛି।ସୂଚନା ଅନୁସାରେ ବାଉଁଶନାଳି ଗ୍ରାମର ଗୌରହରି ପୂର୍ତ୍ତିଙ୍କ ପୁଅ ଲମ୍ବୋଦର ପୂର୍ତ୍ତି(୨୧) ସାଙ୍ଗ ମାନଙ୍କ ସହିତ ବାଉଁଶ ନାଳି ବୁଧୁସାହି ହାଟକୁ ଯାଇଥିଲେ। ସେଠାରୁ ସନ୍ଧ୍ୟାରେ ଘରକୁ ବାଇକରେ ଘରକୁ ଫେରୁଥିବାବେଳେ ହରିଡ଼ାଗୋଠ ଗ୍ରାମ ନିକଟରେ ଏକ ବଳଦ ସମ୍ମୁଖକୁ ଆସିଯିବାରୁ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା। ଦୁର୍ଘଟଣାରେ ଲମ୍ବୋଦର ଗୁରୁତର ହୋଇଥିଲେ। ତାଙ୍କୁ ତୁରନ୍ତ ପାଟଣା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ରାତିରେ ତାଙ୍କର ମୃତ୍ୟୁ ଘଟିଛି। ଏନେଇ ପାଟଣା ଥାନା କେସ ନଂ ୨/୨୦୨୫ ମୂଳେ ଏକ ମାମଲା ରୁଜୁ କରି ସାହାରପଡା ଫାଣ୍ଡି ଏଏସଆଇ ପଞ୍ଚମୀ ମହାନ୍ତ ଘଟଣାର ତଦନ୍ତ କରିବା ସହ ପାଟଣାରେ ମୃତକର ଶବ ବ୍ୟବଚ୍ଛେଦ କରାଇଛନ୍ତି।
Popular Categories
Previous article
Next article