ଡେସ୍କ: ମାନସିକ ସ୍ୱାସ୍ଥ୍ୟ ଏବଂ ସ୍ନାୟୁବିଜ୍ଞାନ କ୍ଷେତ୍ରରେ ପ୍ରଶଂସନୀୟ କାର୍ଯ୍ୟ ପାଇଁ ନିମହାନ୍ସକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଅଭିନନ୍ଦନ ଜଣାଇଛନ୍ତି। ଆଜି ବେଙ୍ଗାଲୁରୁରେ ନିମହାନ୍ସର ସୁବର୍ଣ୍ଣ ଜୟନ୍ତୀ ପାଳନ ଅବସରରେ ସେ କହିଛନ୍ତି ଯେ ନିମହାନ୍ସ ଆଜି ବିଶ୍ୱସ୍ତରରେ ମାନସିକ ସ୍ୱାସ୍ଥ୍ୟ ଏବଂ ସ୍ନାୟୁବିଜ୍ଞାନ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।
ସେ କହିଛନ୍ତି ଯେ ମାନସିକ ଯତ୍ନ କ୍ଷେତ୍ରରେ ସମାଜରେ ସାମାଜିକ କଳଙ୍କ ଏବଂ ସନ୍ଦେହ ଭଳି ପ୍ରତିବନ୍ଧକ ରହିଛି। କିନ୍ତୁ ନିମହାନ୍ସ ଭଳି ଅନୁଷ୍ଠାନ ମାନସିକ ରୋଗରେ ପୀଡ଼ିତ ରୋଗୀଙ୍କୁ ଗୁଣାତ୍ମକ ସେବା ପାଇବାର ସୁଯୋଗ ପ୍ରଦାନ କରିଛି ବୋଲି ସେ କହିଛନ୍ତି। ସେ ଦର୍ଶାଇଥିଲେ ଯେ ନିମହାନ୍ସ ଦ୍ୱାରା ଆରମ୍ଭ ହୋଇଥିବା ଟେଲି ମାନସ ସେବା ମାନସିକ ସ୍ୱାସ୍ଥ୍ୟ ସେବାକୁ ଦେଶର କୋଣ ଅନୁକୋଣରେ ପହଞ୍ଚାଇବାରେ ସାହାଯ୍ୟ କରୁଛି । ଯୋଗ ଓ ଆୟୁର୍ବେଦର ପ୍ରାଚୀନ ଜ୍ଞାନକୁ ସେମାନଙ୍କ ସ୍ୱାସ୍ଥ୍ୟ ସେବା କେନ୍ଦ୍ରରେ ସାମିଲ କରିବାରେ ଅନୁଷ୍ଠାନର ପ୍ରୟାସକୁ ସେ ପ୍ରଶଂସା କରିଥିଲେ। ରାଷ୍ଟ୍ରପତି କହିଥିଲେ ଯେ କରୋନା ମହାମାରୀ, ବୟସ୍କମାନଙ୍କର ଏକାକୀପଣ ଏବଂ ମହିଳାଙ୍କ ଦୁର୍ବଳତା ଅନେକ ମାନସିକ ଦୁଃଖ ଏବଂ ଚିନ୍ତାର କାରଣ ହୋଇଛି ଏବଂ ନିମହାନ୍ସ ଅନୁଷ୍ଠାନ ସେମାନଙ୍କୁ ଆବଶ୍ୟକ କ୍ଲିନିକାଲ ସମାଧାନ ପ୍ରଦାନ କରୁଛି।
Comments are closed.