ପାଟଣା : ଘଟଗାଁ ଥାନା ଅଞ୍ଚଳ ଢେଙ୍କିକୋଟ ଫାଣ୍ଡି ଅନ୍ତର୍ଗତ ପିପିଳିଆ ଗ୍ରାମ ଚତିରି ସାହିର ଦୋଳଗୋବିନ୍ଦ ମହାପାତ୍ରଙ୍କ ପୁଅ ନନ୍ଦକିଶୋର ମହାପାତ୍ର (୨୧) ଗତରାତି ଘର ପଛ ଏକ ଆମ୍ୱ ଗଛରେ ନିଜ ଗାମୁଛାରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ତିନି ଦିନ ହେଲା ଘରେ ମୋବାଇଲ କିଣି ଦେବା ପାଇଁ ଜିଦ କରୁଥିବା ନନ୍ଦକିଶୋର ସମ୍ଭବତଃ ସେହି କାରଣରୁ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ଆଜି ସକାଳୁ ଏହି ଘଟଣା ଜଣା ପଡିବା ପରେ ପୁଲିସକୁ ସୂଚନା ଦିଆଯାଇଥିଲା । ଫାଣ୍ଡି ଅଧିକାରୀ ତ୍ରିନାଥ ନାଏକ ଘଟଣାସ୍ଥଳକୁ ଯାଇ ଶବ ଉଦ୍ଧାର କରିବା ପରେ ଥାନା ଅପମୃତ୍ୟୁ ମାମଲା ୧/୨୦୨୫ ମୂଳେ ଆଜି ପାଟଣାରେ ମୃତକର ଶବ ବ୍ୟବଚ୍ଛେଦ କରାଇ ତାଙ୍କ ପରିବାରକୁ ହସ୍ତାନ୍ତର କରିଛନ୍ତି ।
Comments are closed.