ନ୍ୟୁୟର୍କ- ଆମେରିକାର ଜଣେ ମହିଳା ତାଙ୍କ ପଡୋଶୀଙ୍କୁ ରାଗରେ ହତ୍ୟା କରିଥିଲେ । ଏହାପରେ ସେ ତାଙ୍କର ରକ୍ତ ପିଇଥିଲେ । ଏହି ମହିଳାଙ୍କୁ ଶୈତାନର ରୂପ ବୋଲି କୁହାଯାଇଥିଲା । ନିଜର ପଡୋଶୀଙ୍କୁ କ୍ରୁର ଭାବେ ହତ୍ୟା କରିଥିଲେ । ପୁଲିସ ଏହାର ସୂଚନା ପାଇ ସେଠାରେ ପହଞ୍ଚିବା ବେଳକୁ ସେ ସେଠାରୁ ଫେରାର ହେବା ପାଇଁ ଉଦ୍ୟମ କରିଥିଲେ । ମାତ୍ର ପୁଲିସ ତାଙ୍କୁ ଗିରଫ କରିଥିଲା ।
ସିଥିଆ ମିଙ୍ଗ ନାମକ ୫୪ ବର୍ଷିୟା ମହିଳା ତାଙ୍କ ପଡୋଶୀରେ ରହୁଥିବା ୪୫ ବର୍ଷିୟ ଏଂଜି ମୁରଙ୍କ ଘରେ ପଶି ହତ୍ୟା କରିଥିଲେ । ଏହାପରେ ସେ ତାଙ୍କର ରକ୍ତ ପିଇଥିଲେ। ତାଙ୍କ ପଡୋଶୀ ତାଙ୍କ ପାଳିତ କୁକୁରକୁ ମାରି ଦେଇଥିବା ଅଭିଯୋଗ ହୋଇଥିଲା ।
ପଢନ୍ତୁ କାହିଁକି ବିଛଣା ପାଖରେ ରଖିବେନି ଔଷଧ
ପୋଷାକୁକୁରକୁ ପଡୋଶୀ ହତ୍ୟା କରିଥିବା ସିଥିଆ ଜାଣିବାପରେ ପ୍ରବଳ ରାଗିଯାଇଥିଲେ । ଏହାପରେ ସେ ମୁରଙ୍କ ଘରେ ପଶି ତାଙ୍କୁ ନିର୍ମମ ଭାବେ ହତ୍ୟା କରିଥିଲେ । ଚଟାଣରେ ରକ୍ତ ବୋହିଥିଲା । ମୁରଙ୍କ ରକ୍ତକୁ ସିଥିଆ ପିଇବାରେ ଲାଗିଥିଲେ ।
ପ୍ରଥମେ ସିଥିଆ ନିଜକୁ ନିର୍ଦୋଷ ବୋଲି କହିଥିଲେ । ଏକ ପାଗଳପଣରେ ସେ ମୁରଙ୍କୁ ହତ୍ୟା କରିଥିବା କଥା କହିଥିଲେ । ମାତ୍ର ସେଠାକାର ଅଦାଲତ ସିଥିଆଙ୍କୁ ୫୦ ବର୍ଷ କାରାଦଣ୍ଡାଦେଶ ଶୁଣାଇଛନ୍ତି । ଏବେ ବାକି ଜୀବନ ତକ ସେ ଜେଲ୍ରେ ରହିବେ ।
ମୁରଙ୍କ ଘରେ ସିଥିଆ ରାତିରେ ତାଙ୍କ କାଚ ଝରକା ଭାଙ୍ଗି ପଶିଥିଲେ । ଏହାପରେ ମୁରଙ୍କ ହାତରୁ ବନ୍ଧୁକ ଛଡାଇ ତାଙ୍କୁ ହତ୍ୟା କରିଥିଲେ । ପରେ ସେ ତାଙ୍କୁ ତଳେ ପକାଇ ତାଙ୍କ ରକ୍ତ ପିଇଥିଲେ । ଏହି ଘଟଣା ପୂର୍ବରୁ ମୁର ତାଙ୍କ ଘରର ଝରକା ଭାଙ୍ଗି କିଏ ପଶିବାକୁ ଉଦ୍ୟମ କରୁଥିବା କଥା ଜରୁରୀ କାଳୀନ ନମ୍ବରେ ଜଣାଇଥିଲେ । ପୁଲିସ ପହଞ୍ଚିବା ବେଳକୁ ମୁରଙ୍କ ହତ୍ୟା ହୋଇସାରିଥିଲା ସିଥିଆ ସେତେବେଳ ତାଙ୍କ ରକ୍ତ ପିଉଥିଲେ । ଗିରଫ ପରେ ସେ ହତ୍ୟା ଓ ରକ୍ତ ପିଇଥିବା କଥା ସ୍ୱୀକାର କରିଥିଲେ ।
