ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କୁ ଅଖିଳ ଭାରତୀୟ ଆର୍ୟୁବିଜ୍ଞାନ କେନ୍ଦ୍ର (ଏମସ୍ରେ ) ଭର୍ତ୍ତି କରାଯାଇଛି । ନିୟମିତ ସ୍ୱାସ୍ଥ୍ୟ ଯାଞ୍ଚ ପାଇଁ ତାଙ୍କୁ ଏମସ୍ରେ ଭର୍ତ୍ତି କରାଯାଇଥିବା ବିଭିନ୍ନ ଜାତୀୟ ଗଣ ମାଧ୍ୟମରେ ଖବର ପ୍ରକାଶିତ ହୋଇଛି । ତାଙ୍କୁ ଚିକିତ୍ସା କରୁଥିବା ଡାକ୍ତରଙ୍କ ପରାମର୍ଶରେ ନିୟମିତ ଯାଞ୍ଚ ପାଇଁ ଏମସ୍ରେ ଭର୍ତ୍ତି କରାଯାଇଥିବା ସୂଚନା ମିଳିଛି । ଏବେ ଏମସ୍ର ନିର୍ଦେଶକ ଭାବେ କାମ କରୁଥିବା ଡାକ୍ତର ଗୁଲେରିଆ ଗତ ୩୦ ବର୍ଷ ଧରି ବାଜପେୟୀଙ୍କ ବ୍ୟକ୍ତିଗତ ଡାକ୍ତର ଭାବେ ତାଙ୍କର ସ୍ୱାସ୍ଥ୍ୟବସ୍ଥା ଯାଞ୍ଚ କରୁଛନ୍ତି ।
ଅଟଳ ବିହାରୀ ବାଜପେୟୀଙ୍କୁ ଏବେ ୯୩ ବର୍ଷ । ବାଜେପେୟୀ ହେଉଛନ୍ତି ପ୍ରଥମ ବ୍ୟକ୍ତି , ଯେ ଅଣ କଂଗ୍ରେସ ପ୍ରଧାନମନ୍ତ୍ରୀ ଭାବେ ୫ ବର୍ଷ ପୂରଣ କରିଥିଲେ । ତାଙ୍କୁ ପଦ୍ମ ବିଭୂଷଣ ସହ ୨୦୧୫ ମସିହାରେ ଭାରତରତ୍ନ ପ୍ରଦାନ କରାଯାଇଛି ।