ବ୍ରହ୍ମପୁର: ଭିଜିଲାନ୍ସ ଜାଲରେ ରାଜସ୍ୱ ନିରୀକ୍ଷକ ସୀମାଞ୍ଚଳ ପାତ୍ର । ପୋଲସରା ତହସିଲ କାର୍ୟ୍ୟାଳୟର ଆରଆଇ ସୀମାଞ୍ଚଳ ପାତ୍ର ଳାଞ୍ଚ ନେବା ଅଭିଯୋଗରେ ଶନିବାର ଭିଜିଲାନ୍ସ ଦ୍ବାରା ଗିରଫ ହୋଇଛନ୍ତି ।
ସୂଚନାଯୋଗ୍ୟ, ମ୍ୟୁଟେସନ ପାଇଁ ଦିଲିପ ଦାଶଙ୍କୁ ସେ ୨ ହଜାର ଟଙ୍କା ଲାଞ୍ଚ ମାଗିଥିଲେ । ଆଜି ଲାଞ୍ଚ ନେଉଥିବା ବେଳେ ଭିଜିଲାନ୍ସ ବିଭାଗ କର୍ମଚାରୀଙ୍କ ହାତରେ ଧରପଡି ଗିରଫ ହୋଇଛନ୍ତି ସୀମାଞ୍ଚଳ । ଗିରଫ ପରେ ସୀମାଞ୍ଚଳଙ୍କ ବସଭାବନରେ ମଧ୍ୟ ଚଢଉ ଚାଲିଛି । ଏନେଇ ବ୍ରହ୍ମପୁର ଭିଜିଲାନ୍ସ ଏସପି ମାୟାଧର ସ୍ୱାଇଁ ସୂଚନା ଦେଇଛନ୍ତି ।